Sn.kz qyzyq habar jariialady: Käsıpker osy videosy onyŋ därejesıne kerı äserın bergenın aitady. Iаǧni, ol reitingısın joǧaltyp alypty.Qazaqstandyq käsıpker Nūrlan Baidıldä būǧan deiın ūly ǧūlama Abai Qūnanbaiūlyn moiyndamaitynyn aitqan bolatyn. Onyŋ: «Abai bızdıŋ zamanymyzda ömır sürse, ärı ketse bloger bolar edı» degen sözı el tūrǧyndarynyŋ aşuyn tuǧyzdy.
Endı käsıpker aqtalyp, öz sözınen ainyp şyǧa keldı. Aituynşa, būl sözdı şynaiy emes, tek qazaqqa Abaidan basqa ūly tūlǧalar baryn körsetkısı kelgen eken.
«Qazır halyqqa sözdıŋ emes, ıs-ärekettıŋ adamdary ülgı bolǧanyn qalaimyn. Öitkenı qazaq Abai siiaqty bolyp ketken, juas. Būl videoda Abaidan basqa da ūly tūlǧalar baryn körsetkım keldı. Kenesary, Jänıbek, Täuke handy atap aittym. İnternet menıŋ sözımdı bölıp, basqaşa maǧynada şyǧarǧan. Menıŋ maqsatym – halyq oilansyn dedım. Ärine, qatty aittym. Ony moiyndaimyn. Osylai qazaqtar oilansyn dedım. Bıraq men Abaidy syilaimyn. Kıtaptaryn da oqydym. Men Abaidyŋ ar-namysyn taptaǧan joqpyn. Äşkerelegen joqpyn. Abai osy zamanda tusa, bloger bolar edı degen sözdı tıkelei maǧynada qoldanbau kerek. Ol giperbola Abai qara sözderın kündelık retınde jazǧan. Eger Abai qazır ömır sürse, onda sol sözderın kıtapqa emes, äleumettık jelılerde jazatyn edı», – deidı Nūrlan Baidıldä «Bırınşı arnaǧa» bergen sūhbatynda.
