AQŞ-ta ötıp jatqan älem chempionatynda qazaqstandyq sportşy Nora Djeruto kedergıler arqyly 3000 metrge jügıruden rekord körsetıp, jeŋıske jettı, - dep habarlaidy "Adyrna" portaly Vesti.kz saityna sılteme jasap.
Djeruto 8:53.02-de märege jettı. Chempion federasiianyŋ baspasöz qyzmetıne aldaǧy josparlary turaly aityp berdı.
"Älem chempionatynda jeŋıske jetkenıme öte quanyştymyn jäne rizamyn! Jaŋa otanymnyŋ tuy astynda öner körsetu mümkındıgın küttım. Bügın men älem chempionatynda Qazaqstanǧa erekşe syilyq jasap, özımdı körsetkım keldı. Men tabysqa jettım dep ümıttenemın », - dep tüsındırdı Djeruto.Qazaqstandyq būl sala boiynşa tarihtaǧy üşınşı nätije körsetıp, älem chempionatynyŋ rekordyn ornatty. Noranyŋ aituynşa, mūndai nätijege köp eŋbek pen ūzaq daiyndyqtyŋ arqasynda jetken.
"Būl menıŋ ömırımdegı eŋ maŋyzdy künderdıŋ bırı boldy. Men bükıl ūjymnyŋ senımı men ümıtın aqtadym. Bırınşıden, otbasyma jäne Qazaqstanǧa senım bıldırgenı üşın erekşe alǧysymdy bıldırgım keledı. Qazaqstan tarapy aitarlyqtai qoldau körsettı. Soŋǧy bes jylda kedergılerden jügıru tehnikasyn üirettı. Būl osy sala boiynşa oqytudyŋ eŋ maŋyzdy kezeŋderınıŋ bırı. Bügıngı nätije – menıŋ ǧana emes, bükıl Qazaqstannyŋ jeŋısı. Men bärın qoldanuǧa daiynmyn. Öz bılımımdı, täjıribemdı jäne Qazaqstanda jeŋıl atletikany odan ärı damytu üşın bar küş-jıgerımdı salamyn», - dep bölıstı ol.
"Adyrna" ūlttyq portaly
