7 jylǧa sottalǧan Qyzylorda oblysynyŋ eks- äkımı Quanyşbek Ysqaqovtyŋ jaza merzımı qysqardy dep habarlaidy "Adyrna" ūlttyq portaly.
Qyzylorda qalasynyŋ №2 sotynyŋ mälımdeuınşe, ükım özgertılıp, bas bostandyǧynan aiyru merzımı alty jylǧa deiın qysqartyldy.
«Qyzylorda oblystyq sotynyŋ qylmystyq ıster jönındegı sot alqasynyŋ qaulysymen bırınşı ükım özgerıssız qaldyryldy. Joǧarǧy Sottyŋ qylmystyq ıster jönındegı sot alqasynyŋ qaulysymen jaza taǧaiyndau bölıgındegı ükım özgertılıp, bas bostandyǧynan aiyru merzımı alty jylǧa deiın qysqartyldy. Ysqaqov sottan jazanyŋ ötelmegen bölıgın jazanyŋ neǧūrlym jeŋıl türımen, iaǧni aiyppūl nemese bas bostandyǧyn şekteu türındegı jazamen auystyrudy sūrady», – delıngen habarlamada.Vedomstvoda atap ötkendei, būryn ZK-169/5 koloniiasynyŋ ökılı sottalǧanǧa ūsynylǧan mınezdemenı qoldap, jazany öteu barysynda eks-äkım «belgılengen ışkı tärtıp erejelerı men rejim talaptaryn» būzbaǧanyn naqtylady.
««Sot oǧan qatysty ekı jeŋıldetu şarasy qoldanyldy. Jazasy joq, jeŋıl jaǧdaida jazasyn ötep jatyr, därejesı ekınşı oŋ, qylmyspen keltırılgen mülıktık zalal, memlekettık baj, memleket kırısıne prosessualdyq şyǧyndar jäne ötemaqy tolyǧymen öteldı. Jazany öteudıŋ belgılengen tärtıbın qasaqana būzu deregı joq. Jäbırlenuşınıŋ ökılı jazanyŋ ötelmegen bölıgın neǧūrlym jeŋıl jazamen auystyru turaly ötınışke qarsy emes ekenın körsettı. Osynyŋ negızınde sottalǧan Ysqaqovtyŋ jazanyŋ ötelmegen bölıgın jazanyŋ neǧūrlym jeŋıl türımen auystyru turaly ötınışı qanaǧattandyryldy. Jazanyŋ ötelmegen bölıgı neǧūrlym jeŋıl jaza – 3 jyl 11 ai 12 kün merzımge bas bostandyǧyn şekteumen auystyryldy. Qosymşa jaza türın öteuden bosatylmaidy», - dep jazylǧan habarlamada.Esterıŋızge sala keteiık, Qyzylorda oblysynyŋ būrynǧy äkımı Quanyşbek Ysqaqov 2020 jyly jeltoqsanda alaiaqtyq jasaǧany üşın kınälı dep tanylyp, 7 jylǧa bas bostandyǧynan aiyrylǧan edı.
"Adyrna" ūlttyq portaly
