Erlan Sairov esımdı azamat feisbuktegı öz paraqşasynda bükıl el alaŋdaǧan sot otyrysy turaly öz oiyn bylai bıldırdı: Bügıngı quanyş - auyz toltyryp aitarlyq, Sairagüldıŋ bosap şyǧuy məselenı tüp-tamyrynan qarastyrudy talap etedı. Ərine, Sairagüldıŋ məselesı qazaq sosiumyndaǧy oŋ tendensiialardy aşyp berdı. Bırınşıden, el bolyp, jer bolyp qazaqtyŋ məselesın jüielı türde körsetudıŋ ədısı men təsılı qalyptasyp keledı. Ekınşıden, bilık qazaqtyŋ jeke məselesıne kelgende, qoǧamdyq, ūlttyq qūndylyqtar deŋgeiıne jetuge tyrysuda. Üşınşıden, bilıktıŋ joǧary deŋgeiındegı azamattar Qazaqstannyŋ "şaŋyraǧy, uyǧy" Qazaq ekendıgın tüsıngen syŋaily. Törtınşıden, bilık pen qoǧam arasyndaǧy el məselesı jönındegı dialog alaŋy paida bolǧan. Sot şeşımı - el-jūrt dep jürgen azamattar men bilıktıŋ joǧary deŋgeidegı ökılderınıŋ bırlesken şeşımı. Al ende, qandai problemalar bar? Problemanyŋ eŋ negızgısı, "arǧy bettegı" aǧaiyn elımızge bırjola köşudı tezdetu kerek. Ol jaqta qazaqqa ömır de, keŋıstık te, jer de joq. Osyny tüsınu kerek. "Qazaq bolyp qalamyn" degen barşa qaraközdıŋ jedeldetıp bergı betke köşuı abzal. "Köresını osy jaqta köruge, öz ūltymen bırge boluǧa" daiyn boluy kerek. Būl şeşım tek Qytaidaǧy aǧaiynǧa ǧana emes, Özbekstandaǧy, Reseidegı, Türkımenstandaǧy, Auǧandaǧy aǧaiynnyŋ barlyǧyna qatysty. Ol jaqta qazaqtyŋ auasy tarylyp qana qoiǧan joq. Ol jaqta eşteŋe qalǧan joq! Osyny tüsınu kerek. Qazaq bolu, tek - Qazaqstanda! Memleketke iek artpai, elge jappai köşudıŋ qamy - negızgı maqsat! Syrttaǧy 6 mln. qazaq elımızge köşıp kelse, ǧalamat əleumettık ösım jəne damu bolary sözsız! Ərine, problema da bolady. Bıraq, sol problemadan qorqyp, elge kelmese, sol aǧaiyn erteŋ qytai, özbek, türkımen... bolyp şyǧa keledı. Naǧyz tragediia - sol!
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz