Erlan Saırov: Syrttaǵy qazaq kóship kelse, ǵalamat əleýmettik ósim jəne damý bolady!

2596
Adyrna.kz Telegram

Erlan Saırov esimdi azamat feısbýktegi óz paraqshasynda búkil el alańdaǵan sot otyrysy týraly óz oıyn bylaı bildirdi: Búgingi qýanysh - aýyz toltyryp aıtarlyq, Saıragúldiń bosap shyǵýy məseleni túp-tamyrynan qarastyrýdy talap etedi. Ərıne, Saıragúldiń məselesi qazaq soıýmyndaǵy oń tendenııalardy ashyp berdi. Birinshiden, el bolyp, jer bolyp qazaqtyń məselesin júıeli túrde kórsetýdiń ədisi men təsili qalyptasyp keledi. Ekinshiden, bılik qazaqtyń jeke məselesine kelgende, qoǵamdyq, ulttyq qundylyqtar deńgeıine jetýge tyrysýda. Úshinshiden, bıliktiń joǵary deńgeıindegi azamattar Qazaqstannyń "shańyraǵy, ýyǵy" Qazaq ekendigin túsingen syńaıly. Tórtinshiden, bılik pen qoǵam arasyndaǵy el məselesi jónindegi dıalog alańy paıda bolǵan. Sot sheshimi - el-jurt dep júrgen azamattar men bıliktiń joǵary deńgeıdegi ókilderiniń birlesken sheshimi. Al ende, qandaı problemalar bar? Problemanyń eń negizgisi, "arǵy bettegi" aǵaıyn elimizge birjola kóshýdi tezdetý kerek. Ol jaqta qazaqqa ómir de, keńistik te, jer de joq. Osyny túsiný kerek. "Qazaq bolyp qalamyn" degen barsha qarakózdiń jedeldetip bergi betke kóshýi abzal. "Kóresini osy jaqta kórýge, óz ultymen birge bolýǵa" daıyn bolýy kerek. Bul sheshim tek Qytaıdaǵy aǵaıynǵa ǵana emes, Ózbekstandaǵy, Reseıdegi, Túrkimenstandaǵy, Aýǵandaǵy aǵaıynnyń barlyǵyna qatysty. Ol jaqta qazaqtyń aýasy tarylyp qana qoıǵan joq. Ol jaqta eshteńe qalǵan joq! Osyny túsiný kerek. Qazaq bolý, tek - Qazaqstanda! Memleketke ıek artpaı, elge jappaı kóshýdiń qamy - negizgi maqsat! Syrttaǵy 6 mln. qazaq elimizge kóship kelse, ǵalamat əleýmettik ósim jəne damý bolary sózsiz! Ərıne, problema da bolady. Biraq, sol problemadan qorqyp, elge kelmese, sol aǵaıyn erteń qytaı, ózbek, túrkimen... bolyp shyǵa keledi. Naǵyz tragedııa - sol!

Pikirler