ŪQK Siriiadaǧy soǧysta qanşa Qazaqstan azamatynyŋ qaza tapqany turaly derekpen bölıstı.

4901
Adyrna.kz Telegram
http://adyrna.kz/content/uploads/2018/08/TERROR.jpg
Ūlttyq qauıpsızdık komitetınıŋ (ŪQK) Azattyq agenttıgıne bergen resmi jauabyndaǧy derek boiynşa, Siriia men İrakta soǧys bastalǧaly Taiau Şyǧysqa 8OO -ge juyq Qazaqstan azamaty ketken. Olardyŋ köbı – balalar.
- Şıldedegı jaǧdai boiynşa, Siriia men İraktaǧy halyqaralyq terroristık ūiymdarda qazaqstandyq 120 er adam, 250-den astam äiel jäne 500 kämeletke tolmaǧan bala bar, - dep jazylǧan ŪQK jauabynda.
QANŞA QAZAQSTANDYQ ELINE ORALDY? Astana İrak pen Siriiadaǧy soǧysta barlyǧy qanşa qazaqstandyqtyŋ qaza tapqanyn bılmeidı. Ūlttyq qauıpsızdık komitetınde tek Siriiadaǧy halyqaralyq terroristık ūiymdar jaǧynda soǧysqan 260-tan astam qazaqstandyqtyŋ qaza bolǧany turaly mälımet bar. ŪQK deregı boiynşa, qaruly qaqtyǧysqa zaŋsyz qatysqany üşın Siriiada 60-qa juyq, İrakta şamamen 20 Qazaqstan azamaty qamauda otyr. Astana qazır qūqyq qorǧau jäne memlekettık organdarmen bırıgıp, ūrys aimaqtaryna ketken qazaqstandyqtardy elge qaitaru üşın jūmys ıstep jatqanyn habarlady. ŪQK deregınşe, Siriiadaǧy äskeri qaqtyǧys bastalǧaly 112 qazaqstandyq (61 er jäne 51 äiel) elge qaitarylǧan. Al būdan bölek halyqaralyq terroristık ūiymdardyŋ lagerlerı men bazalarynan Qazaqstanǧa qaitaryldy delıngen balalardyŋ sany - 81. Daily Mail basylymy jariialaǧan "Siriiadaǧy jihadşy qazaq balalar" turaly İM videosynyŋ skrinşoty.
Al biyl nauryzda ŪQK töraǧasynyŋ orynbasary Nūrǧali Bılısbekov Astanadaǧy jurnalisterge arnalǧan jiynda Siriiadan 125 qazaqstandyqtyŋ oralǧanyn, 57 adam qamauda otyrǧanyn, qalǧandarynyŋ baqylauda ekenın aitqan. ŪQK soǧys aimaqtarynan qaityp kelgen adamdardy oŋaltu şaralaryn jüzege asyryp jatqanyn da mälımdedı. Būl şaralar üşın Qazaqstanda oŋaltu ortalyqtary aşylǧan.
Qazaqstan azamattarynyŋ Siriia men İrakqa ketkenı turaly alǧaş ret 2013 jyly aityla bastaǧan. Osy jyly küzde İrak pen Siriiadaǧy qaruly janjalǧa islamşyl radikaldar jaǧynda qatysuǧa Qazaqstannan barǧan "150 jihadşy" turaly video taraǧan edı. Keiın Taiau Şyǧystaǧy soǧys aimaǧynda jürıp qaza tapqan qazaqstandyqtar turaly aqparat da jiılegen. Olardyŋ keibırınıŋ artynda bala-şaǧasy qalǧan. Qazaqstannan Siriia men İrakqa ketken balalaryn qaitaru maqsatymen ata-analar komitetı de qūrylǧan. Kei ata-ana tıptı Siriiaǧa balasyn ızdep barǧanymen, olardy elge qaituǧa köndıre almai oralǧan. Bır jyl būryn, iaǧni 2017 jyldyŋ şıldesınde Türkiianyŋ Işkı ıster ministrlıgı «Kıtap» dep atalatyn baiandama jariialap, 1941 Qazaqstan azamatynyŋ Türkiia arqyly Siriiaǧa ötpek bolǧanyn habarlaǧan. Stambul jariialaǧan baiandamada Qazaqstan azamattary qaqtyǧys aimaǧyna kıruge jiı talpynatyn 10 el qatarynda atalǧan. Ötken jyly qaraşada Qazaqstan Syrtqy ıster ministrlıgı Qazaqstannyŋ Oral qalasynyŋ tūrǧyny - 1988 jyly tuǧan äiel men onyŋ tört balasy Siriiadaǧy soǧys aimaǧynan Şeşenstan astanasy Groznyiǧa arnaiy reispen bır top adammen bırge jetkızılgenı turaly habarlaǧan. Qazaqstan 2015 jyly küzde DAİŞ ūiymyn "terroristık top" dep tanyǧan. ŪLTKZ
Pıkırler