Air Astana äuekompaniiasy Almatydan Şymkentke belgılengen uaqyttan 15 saǧatqa keş ūşqan Fly Arystan reisınıŋ keşıguıne bailanysty jazalandy. Būl turaly İndustriia jäne infraqūrylymdyq damu ministrlıgı Azamattyq aviasiia komitetınıŋ (AAK) basşysy Talǧat Lastaev mälımdedı, - dep habarlaidy "Adyrna" tılşısı.
Lastaev qazırgı uaqytta AAK Qazaqstannyŋ Aviasiia äkımşılıgımen bırlesıp reisterdıŋ keşıguı jäne jolauşylar şaǧymyna bailanysty tekserudı jalǧastyryp jatqanyn aitty.
"Tergeu barysynda 5 mausymda Air Astana kompaniialar tobyna kıretın Fly Arystan äuetasymaldauşysynyŋ Almaty – Şymkent baǧyty boiynşa KS-7105 reisı 15 saǧat 10 minutqa keşıgıp, ūşqany anyqtaldy. Ūşudy kütu kezınde reis jolauşylaryna "Äue keŋıstıgın paidalanu jäne aviasiia qyzmetı turaly" Zaŋnyŋ 86-baby 1-bölıgınde közdelgen qyzmetter, atap aitqanda, qonaqüide ornalastyru qyzmetterı dūrys körsetılmegen", - dedı Lastaev.Onyŋ aituynşa, būl üşın 28 şıldede äuekompaniiaǧa qatysty ÄQBtK-nıŋ 567-baby 2-bölıgı boiynşa äkımşılık qūqyq būzuşylyq turaly hattama jasalyp, oǧan säikes äuekompaniiaǧa 1000 AEK kölemınde aiyppūl salynǧan, būl -3 million 63 myŋ teŋge. Būl - Air Astana-ǧa 2022 jyly salynǧan üşınşı aiyppūl. Jalpy biyl reistıŋ keşıguı kezınde jolauşylar qūqyǧyn būzǧany üşın kompaniia jalpy somasy 9,189 million teŋgege äkımşılık jauapkerşılıkke tartylǧan.
"Qazırgı uaqytta reistıŋ keşıguı jäne jolauşylar qūqyǧyn būzu faktılerı boiynşa tekseru jürgızılıp jatyr, eger qūqyqbūzuşylyq faktılerı anyqtalsa, tasymaldauşylar qoldanystaǧy zaŋnama boiynşa jauapkerşılıkke tartylady", - dep uäde berdı Lastaev.
Ūqsas jaŋalyqtar
