Elımızde meşıt salatyn adamdardyŋ bırazy rūqsat almaityndyqtan, zaŋsyz tūrǧyzylǧan meşıtterdıŋ sany artyp jatyr eken.
Şymkent qalasy men Türkıstan oblysynda 800-den asyp ketken ǧibadathanalardyŋ jai-küiı dın qyzmetkerlerı, dın ısterı jäne qūrylys basqarmalarynyŋ mamandary qatysqan keŋeste talqylandy. Olardyŋ qanşasy zaŋdy, qanşasy zaŋsyz salynǧanyn şeneunıkter äzırge anyqtai alǧan joq.
Oblysta soŋǧy üş jylda segız meşıt saluǧa rūqsat berılgen, qalǧany zaŋsyz salynǧan, deidı säulet jäne qala qūrylysy basqarmasynyŋ qyzmetkerlerı.
Qazaqstanda biylǧy jyldyŋ säuırınde dıni ǧimarattardyŋ qūrylysyn reglamentteitın jaŋa normalar qabyldandy. Endı mektepten 300 metr aumaqta ornalasqan barlyq meşıt sürıledı.
"Eger adam zaŋsyz ǧibadathana salsa, ol ony özı süruı tiıs. Keiın ol jerge, qūrylys saluǧa qajettı rūqsattardy alyp, tiıstı organǧa habarlauǧa mındettı. Sodan keiın qūrylysty bastauǧa rūqsat etıledı", — deidı Türkıstan oblysy säulet jäne qūrylys basqarmasynyŋ basşysy Baqytbai Düisebekov.
Meşıt salu bastamasyn köteretın adamdardyŋ bırazy rūqsat almaityndyqtan, öŋırde zaŋsyz tūrǧyzylǧan meşıtterdıŋ sany jyl sanap artyp jatyr. Saldarynan auyldar men okrugterdegı keibır dıni ǧimarattar köbınese bos qalady, deidı şeneunıkter.
"Oblysta jäne Şymkentte 800-den astam meşıt bar, köbısı bos qalyp jatady. Oǧan adam sanynyŋ jetpeuı nemese qūrlys normasynyŋ saqtalmauy sebep bolady. Ol meşıtterge eşkım barmaǧandyqtan, bız ony ǧibadat bölmesıne ainaldyramyz", — deidı Türkıstan oblysy dın ıster basqarmasynyŋ basşysy Samat Saparbaev.
Kezdesu soŋynda şeneunıkter mesenattardan qandai da bır dıni nysandy salar kezde zaŋ normalaryn saqtaudy ötındı. Qazaqstanda säuırde dıni ǧimarattardyŋ qūrylysyn reglamentteitın jaŋa normalar qabyldandy, dep habarlady Sputnik. saity.
