Sairagül soty - 1 bölım
«Şekarany zaŋsyz kesıp öttı» dep aiyptalǧan Qytai azamaty, etnikalyq qazaq Sairagül Sauytbai ısı boiynşa sot ükımı şyqty. Tamyzdyŋ 1 jūldyzy Almaty oblysy Jarkent kentındegı Panfilov audandyq sotynda Sudia Dinara Qūiqabaeva Sauytbaiǧa şartty jaza taǧaiyndap, ony Qazaqstanda qaldyru jäne sot zalynan bosatu turaly şeşımın jariialady.
"Qazaqstan Qylmystyq kodeksınıŋ 392-baby 1-tarmaǧy boiynşa Sairagül Sauytbaidy kınälı dep tauyp, 6 aiǧa bas bostandyǧynan aiyru turaly şartty jaza taǧaiyndalsyn. 6 ai probasiialyq baqylau merzımı taǧaiyndalsyn. Ol sot zalynan bosatylsyn", - dedı Sudia öz şeşımınde.
Sairagüldıŋ soty - 2 bölım
Sondai-aq, "Onyŋ qylmysy asa auyr emes" dep baǧalandy. Sairagüldı ekı balasynan, otbasynan ajyratpau üşın osyndai şeşım qabyldaǧan. Sudianyŋ mūndai şeşımge BŪŪ balalar qūqyǧy konvensiiasy negızge alǧan. "Etnikalyq qazaq retınde, Qazaqstan azamattyǧyn aluǧa qūqyǧy bar azamat retınde ony Qazaqstannan şyǧaryp jıberu jazasy taǧaiyndalmady" dedı ol. Cairagüldıŋ qorǧauşysy, advokat Abzal Qūspan aiyptauşy prokurordyŋ sūraǧan jazasymen tolyq kelısetının jäne sottyŋ öte ädılettı jürgızılgenın aitty. Mūnda bır ǧana adamnyŋ taǧdyry emes, Qytaida qysym körıp jatqan myŋdaǧan qandasymyzdyŋ ömırı tūrǧanyn da atap öttı. Osylaişa Qazaqstan ükımetı Pekinnıŋ Sairagüldı ekstradisiialau turaly ötınışın qabyldamady. Ony ärkım är türlı baǧalauda. Bırı «Sairagül Sauytbai şekara būzbady, seŋdı būzdy. Endı Qytaida qysym körgen talai qazaq qaşyp keledı älı» - dese, endı bırı «halyqtyŋ qūqyq qorǧau organdaryna degen qūrmetı artty» dep jatty. «Sairagüldıŋ jeŋısı – bükıl qazaq jeŋısı, jasasyn qazaq elı!» - degen ūrandar da aityldy sot maŋynda. Eŋ bastysy Sairagül ısı oŋ şeşımın tauyp, aiyptaluşy elde qaldy. Jäne tılekşı bolǧan düiım jūrttyŋ quanyşynda şek bolmady. Aq tüienıŋ qaryny jarylyp, aq tılekterdıŋ aqtarylǧan künı boldy. Täuelsız Qazaqstan tarihynda tūŋǧyş ret kezdesıp otyrǧan būl oqiǧa el esınde mägıge qalmaq. Qazaqtyŋ bırlıgı men ırılıgın däleldegen Sairagül soty turasynda aldaǧy uaqyttarda taǧy da tūşymdy materialdar jariialaityn bolamyz.
Sairagül soty nätijesınıŋ habarlanuy
Bız "Adyrna" portalynyŋ direktory Arman Äubäkırmen sot barysynyŋ tolyq tüsırılımın Feisbuk äleumettık jelısı boiynşa tarattyq. Arman Äubäkırdıŋ jeke paraqşasyndaǧy sot otyrysynyŋ qorytyndysy jaiyndaǧy tıkelei efir tüsırılımı 33 myŋnan asa qaralyp, 1 500-den asa pıkır jazylyp, 1 200-den asa laik basylǧany, 190-nan astam kısı bölıskenı - bükıl qazaq halyqtyŋ Sairagül sotyna bei-jai qaramaǧanyn bıldıredı.
Sairagüldıŋ elımen qauyşuy
Qūrmetolla Mūhamethanūly,
Almaty - Jarkent - Almaty
