Petropavlda 4 balasy bar áıel kópirden sekirmek bolǵan, dep habarlaıdy SQO Tótenshe jaǵdaılar departamenti baspasóz qyzmeti.
Sekirýge oqtalǵan áıeldi mashınamen ótip bara jatqan Evgenıı Iazykov esimdi qutqarýshy azamat kórip, dereý kómektesip aman alyp qalady.
Qutqarýshy jaǵdaıdyń qalaı bolǵanyn, alǵan áserimen bólisti.
“Bári kınodaǵydaı boldy. Men birden tejegishti bastym, qýanyshqa oraı meniń artymnan eshkim kele jatqan joq edi. Esikti julqa ashyp, qarsy kele jatqan kóliktiń aldynan júgirip ótip, sekirgeli turǵan kelinshekke umtyldym. Ol da qolyn bosatty, men de ustap úlgerdim”, - deıdi sol kúngi oqıǵany eske alǵan Evgenıı. 32 jastaǵy K.-ny aman-esen qaýipsiz jerge shyǵarǵan qutqarýshy birden polıııany shaqyrdy. «Kelinshek jylap, sekirýge ne sebep bolǵanyn, ómir súrgisi kelmeıtinin aıtty. 4 balanyń anasy eken. Sol jerdegi kólik júrgizýshileri de kelip qandaı kómek kerek ekenin surady. Polıııa patrýli kelgenshe men áıeldi tyńdadym jáne ony múmkindiginshe tynyshtandyrýǵa tyrystym», - deıdi Evgenıı.
“Adyrna” ulttyq portaly
