Jańadan qurylǵan Jetisý oblysynyń óndirisi órkendep, ekonomıkalyq qýaty artpaq. Aldaǵy tańda óńirde frı kartobyn óndiretin sý jańa kásiporyn ashylýy múmkin. Bul týraly QR Aýyl sharýashylyǵy mınıstriniń orynbasary Ábilhaıyr Tamabektiń óńirge sapary barysynda talqylandy.
Aldymen Vıe-mınıstr kartop ósirýge mamandanǵan iri sharýa qojalyqtarynyń ókilderimen kezdesýden keıin, nıderlandyq kompanııanyń ókilderimen birge ındýstrııalyq aımaqta ınfraqurylymy daıyn jáne jańa azyq-túlik óndirisi salynýy múmkin ındýstrııalyq aımaqtaǵy ýchaskeni qarap shyqty.
Sapardyń sońynda vıe-mınıstr Jetisý oblysynyń ákimi Beıbit Isabaevpen jáne «Farm Frites Kazakhstan» JShS basshysy Iozef Boermen kezdesti. Taraptar Qazaqstanda kartop ındýstrııasyn damytý jónindegi josparlaryn talqylap, zaýyttyń bolashaqta ornalasatyn jeri týraly sheshimderdi talqylady.
Joba júzege sátti asyrylatyn bolsa, óńirge kóp óndirýshiler qajet bolady. Osyǵan oraı 10 000 gektar alqapta kartop ósirý boıynsha fermerlik sharýashylyqtyń qosymsha jobasyn iske asyrý josparlanyp otyr.
Sonymen qatar, ınvestıııalar týraly kelisim jasasý múmkindigi qarastyrylýda, onda barlyq taraptardyń áleýmettik-ekonomıkalyq mindettemeleri retteledi jáne «Farm Frites» kompanııasynyń biriktirilgen frı kartop zaýytyn salý kezinde memlekettik qoldaý sharalary naqty belgilenedi.
«Farm Frites» (Farm Frites Beheer B. V.) kompanııasynyń ókilderi 5 jyldan astam ýaqyt boıy Qazaqstannyń birqatar óńirinde kartop pen kartop tuqymyn tájirıbe retinde otyrǵyzyp keledi. Olar joǵary sapadaǵy jáne zaýyttyń qajettilikteri úshin qajetti kólemdegi kartopty jetkizýdi, sondaı-aq jergilikti fermerlerdi oqytýdy kózdep otyr.
Aıta keteıik, «Farm Frites» kompanııasy 1971 jyly Nıderlandyda otbasylyq kásiporyn retinde quryldy. Negizgi qyzmeti - kartoptan muzdatylǵan jáne salqyndatylǵan ónimder óndirýmen aınalysady. Kompanııanyń álemniń 40 elinde 6 zaýyty men 40 satý keńsesi bar, onda barlyǵy 1500 qyzmetker jumys isteıdi. Kompanııanyń kartopty óńdeý kólemi jylyna 1,3 mln tonnaǵa jetedi, ónim álemniń 80-nen astam eline eksporttalady. «Farm Frites» - álem boıynsha frı óndirisi boıynsha tórtinshi orynda turǵan jáne McDonalds, KFC jáne basqa da fast-fýd meıramhanalarynyń negizgi halyqaralyq jetkizýshileriniń biri.
