Rim Papasy Fransisk densaulyǧyna bailanysty qyzmetınen ketetının joqqa şyǧarǧan joq. Oǧan qosa Kanadadaǧy apostoldyq sapardan oralǧan soŋ Qazaqstanǧa barǧysy keletının aitty, dep jazady "Adyrna" ūlttyq portaly.
85 jasty alqymdaǧan Rim Papasy Fransisktıŋ densaulyǧyna bailanysty halyqaralyq saparlarǧa şyǧuy qiyndai tüsude. Fransisk şılde aiynyŋ soŋynda Kanadadaǧy sapary kezınde tıze jaraqatyna bailanysty qozǧalysy qiyndap, köp uaqytyn mügedekter arbasynda ötkızgen. Äzırge ol otstavkaǧa ketudı josparlamaidy, bıraq bolaşaqta densaulyǧyna bailanysty otstavkaǧa ketuı mümkın ekenın rastady.
Ol keter aldynda Ukrainaǧa jäne Qazaqstanǧa barǧysy keletının aitty.
"Osynşa jasqa kelıp mūndai şekteulermen men şırkeuge qyzmet ete aluym üşın energiiamdy ünemdeuım kerek ne bolmasa ornymnan ketu turaly oilanuym kerek», - dedı ol sapardan keiın.
"Men Ukrainaǧa barǧym keletının aittym. Jaǧdaidyŋ qalai bolatynyn köremız. Qazaqstanǧa da barǧym keledı", - dedı ol Kanadaǧa apolstoldyq sapardan qaityp kele jatqan ūşaq bortynda jurnalisterge.Aita keteiık, 14-15 qyrküiekte Qazaqstanda Älemdık jäne dästürlı dınder köşbasşylarynyŋ VII Sezı ötedı. Atalǧan Forumda pandemiiadan keiıngı kezeŋde adamzattyŋ äleumettık-ruhani damuyndaǧy älemdık jäne dästürlı dınder liderlerınıŋ rölı keŋınen talqylanbaq.
"Adyrna" ūlttyq portaly
