Jetısu oblysynyŋ Panfilov audanynda 15 jastaǧy Qūralai Qisabekovany aiuandyqpen zorlap, artynşa mäiıttı örtep jıbergen küdıktıge qatysty tyŋ derekter şyqty, dep jazady "Adyrna" ūlttyq portaly.
Bıraq būǧan deiın qyz zorlaǧany üşın ekı ret sottalǧan 38 jastaǧy Rustam Ahmetov öz kınäsın moiyndap, qamauǧa alyndy. Küdıktı de Şolaqai auylynyŋ tūrǧyny bolyp şyqty.
"Vremia" basylymynyŋ habarlauynşa, Jetısu oblysy Şolaqai auylynyŋ 15 jasar oquşysy şıldenıŋ 21-ı künı keşkı uaqytta qūrbysyna ketıp, sol küiı üiıne oralmaǧan. Polisiia qyzmetkerlerı ız-tüzsız joǧalǧan qyzdy kelesı künı ızdeuge kırıstı. Olarǧa auyl tūrǧyndary da qosylyp, soŋǧy sätke deiın qyzdyŋ aman-esen tabylatynyna ümıttengen edı...
“5-6 jyl būryn kämeletke tolmaǧan qyzdy zorlady, jazany tolyq ötemei jatyp bostandyqqa şyqty. Odan keiın taǧy bır qyzdy zorlap, jazadan qūtylu üşın oǧan üilendı. Endı būl oŋbaǧannyŋ aram qoly bızdıŋ qyzymyzǧa da jettı. Bız qyzymyzdy ızdep jürgende būl qanışer eşteŋe bolmaǧandai Jarkenttı aralap, taksiletıp jürdı. Bız soŋyna deiın qyzymyz tırı dep ümıttendık, bıraq ony ölı küiınde taptyq”, – dep jylaidy marqūm qyzdyŋ äpkesı Kämşat Köpbaeva.Almaty oblystyq polisiia departamentı baspasöz qyzmetınıŋ habarlauynşa, küdıktı mektep oquşysymen jynystyq qatynasqa tüskenın, odan keiın jasaǧan äreketınen qoryqqandyqtan öltırgenın moiyndap otyr.
"Küdıktınıŋ aiǧaqtaryn tekseru jäne naqtylau kezınde jäbırlenuşınıŋ mäiıtı auyldardyŋ bırınıŋ şetındegı jerlengen jerınen şyǧarylyp, sot-medisinalyq saraptamasyna jıberıldı. Küdıktı uaqytşa ūstau izoliatoryna qamaldy, ıs boiynşa bırqatar qajettı saraptamalar taǧaiyndaldy", - delıngen habarlamada.Küdıktıge qatysty 3 qylmystyq ıs qozǧaldy. Ol kem degende 17 jyl bas bostandyǧynan aiyryluy mümkın.
"Adyrna" ūlttyq portaly
