Qazaqstannyŋ jūptyq syndaǧy bırınşı raketkasy Anna Danilina Varşava WTA-250 turnirınıŋ jeŋımpazy atandy. Būl turaly QTF baspasöz qyzmetı mälımdedı.
Anna Danilina germaniialyq Anna-Lena Fridzammen bırge finalda jarystyŋ 2-raketkalary, kort ielerı Katajina Kava - Alisiia Rosolskamen öner körsettı.
Bırınşı partiia barysynda K.Kava men A.Rosolska 3:1 esebımen alǧa şyqqanymen, qazaqstandyq-germaniialyq jūp tarazy basyn audara bıldı - 6:4.
Ekınşı sette esep 4:5 bolǧan kezde de Danilina men Fridzam breik jasai aldy - 5:5.
Bıraq qarsylastary qaiyra breik jasap, settı öz esepterıne jıberdı - 7:5.
Super tai-breikte qazaqstandyq-germaniialyq jūp 8:0 esebımen alǧa kettı. Būdan keiın K.Kava men A.Rosolska eseptı qysqartty, bıraq Danilina men Fridzam mümkındıgın jıbermedı - 10:5.
Ekı saǧatqa sozylǧan tartysty matchta qazaqstandyq-germaniialyq duet 12 breik-pointtyŋ beseuın paidalana bıldı. Polşalyq jūp ta 5 breikpen (7 breik-point) közge tüstı.
“Adyrna” ūlttyq portaly
