Qazaqstan tutynýshylaryna jylý úshin artyq tólengen 490 mıllıon teńge jýyq qarjy qaıtarylady, - dep habarlaıdy QR UEM Tabıǵı monopolııalardy retteý komıtetiniń baspasóz qyzmeti.
Jumys tabıǵı monopolııalar salasyndaǵy zańnamanyń normalaryna sáıkes júrgizilgen, onyń qorytyndysy boıynsha qaıta esepteý nátıjesinde jylý maýsymynda (2022-2023 jyldary) nemese kúntizbelik jyl úshin (2022 jyldyń sońyna deıin) qarajatty esepteýdi qaıtarý halyqtyń jeke shotynda kórsetiledi jáne avans (saldo) túrindegi jeke jolda jazylatyny belgili boldy.
"Qazaqstan Respýblıkasynyń tabıǵı monopolııalar týraly zańnamanyń normalaryna sáıkes tabıǵı monopolııa sýbektisi syrttaǵy aýanyń naqty temperatýrasyn eskere otyryp, jylý energııasymen jabdyqtaý boıynsha rettelip kórsetiletin qyzmettiń qunyn tutynýshylarǵa tikeleı ne tutynýshynyń turǵan jerin anyqtaý múmkin bolmaǵan jaǵdaıda jylý energııasymen jabdyqtaý boıynsha rettelip kórsetiletin qyzmetke aqy tóleý kezinde tarıfti tómendetý arqyly qaıta esepteýdi júrgizýge mindetti.
Osylaısha, ótken 2021-2022 jyldardaǵy jylytý kezeńinde jylýmen jabdyqtaý boıynsha qyzmet kórsetetin tabıǵı monopolııa sýbektisi jylý energııasynyń tólemine QQS-ty eskere otyryp jalpy somasy 489 950 250 teńgege qaıta esepteý júrgizdi", - delingen habarlamada.