Memleket basşysynyŋ ökımımen jaŋa Qorǧanys ministrınıŋ orynbasary – Qaruly Küşterı Äue qorǧanysy küşterınıŋ bas qolbasşysy taǧaiyndaldy, dep habarlaidy "Adyrna" ūlttyq portaly.
Memleket basşysy Qasym-Jomart Toqaev tiıstı jarlyqqa qol qoidy.
«Memleket basşysynyŋ ökımımen Sadyqov Qairat Anuarbekūly Qazaqstan Respublikasy Qorǧanys ministrınıŋ orynbasary – Qazaqstan Respublikasy Qaruly Küşterı Äue qorǧanysy küşterınıŋ bas qolbasşysy bolyp taǧaiyndaldy», – delıngen Aqorda Telegram-arnasynda jariialanǧan habarlamada.
Qairat Sadyqov 1967 jyldyŋ 14 säuırınde Şyǧys Qazaqstan oblysynda düniege kelgen. Ol:
1988 jyly Orynbor joǧary zenittık zymyran komandalyq uchilişesın, 2010 jyly Ūlttyq qorǧanys universitetınıŋ akademiialyq kurstaryn, 2013 jyly D. A. Qonaev atyndaǧy universitettı, 2022 jyly Ūlttyq qorǧanys universitetınıŋ Bas ştab fakultetın tämamdaǧan.
Eŋbek jolyn QR Qaruly Küşterı Äue qorǧanysy küşterı bas qolbasşysynyŋ orynbasary – Tärbie jäne ideologiialyq jūmys jönındegı bas basqarmanyŋ bastyǧy qyzmetınen bastaǧan.
Sondai-aq ol QR QK Äue qorǧanysy küşterı Äue şabuylyna qarsy qorǧanys äskerı qolbasşysy (2019 jylǧy 5 mamyr – 2022 jylǧy 29 jeltoqsan) qyzmetın atqarǧan.
2023 jyldan bastap QR QK Äue qorǧanysy küşterı bas qolbasşysynyŋ bırınşı orynbasary – Bas qolbasşy basqarmasy ştabynyŋ bastyǧy qyzmetın atqaryp kelgen.
