Şerzat Polattyŋ ölımıne qatysty ükım şyqqannan soŋ marqūmnyŋ äkesı alǧaş ret aşyq mälımdeme jasady, dep habarlaidy "Adyrna" ūlttyq portaly.
Jurnalist Ruslan Ötepbaiǧa bergen sūhbatynda Qarjaubai Nūrymov Aitbek Amangeldımen ara-qatynasynyŋ üzılu sebepterın tüsındırdı.
«Men Aitbekten ǧana bas tarttym, advokattardan emes. Bıraq Aitbek advokattarǧa syrttan eşkımdı qospauǧa būiryq berıp, menıŋ ūsynysym qabyldanbady.
Basynda Aitbektıŋ qoldauyna senıp edım. Alaida uaqyt öte kele senımım aqtalmady. Sot prosesınde köptegen tüsınıspeuşılıkter tuyndady. Aqyrynda men advokattardan senımhatty qaitaryp alyp, ıstı Meiırman aǧaiǧa tapsyrdym», – dedı Nūrymov.
Onyŋ aituynşa, ıstıŋ «adam öltıru» emes, «būzaqylyq» babymen qaralyp jatqanyn sotqa 10 kün qalǧanda ǧana bılgen. Būl özgerıstı oǧan advokaty Meiırman Şekeev habarlapty.
Aita keteiık, bastapqyda küdıktılerge QR QK 99-baby ("Adam öltıru") boiynşa ıs qozǧalǧan, keiınnen ol 293-bapqa ("Būzaqylyq") auystyrylǧan.
