Moŋǧoliia premer-ministrı Gombojavyn Zandanşatar Qazaqstan Respublikasy Premer-ministrınıŋ orynbasary – Syrtqy ıster ministrı Mūrat Nūrtıleudı qabyldady, dep habarlaidy "Adyrna" ūlttyq portaly.
Mūrat Nūrtıleu Moŋǧoliiaǧa resmi saparmen bardy.
Kezdesu barysynda Premer-ministr Zandanşatar Moŋǧoliianyŋ Ortalyq Aziia elderımen, sonyŋ ışınde strategiialyq ärıptesı – Qazaqstanmen qarym-qatynas pen yntymaqtastyqty nyǧaituǧa erekşe män beretının atap öttı. Osy oraida ol avtokölık tasymaly, auyl şaruaşylyǧy, jeŋıl önerkäsıp, turizm, mädeniet, bılım, ǧylym jäne aqparattyq tehnologiialar siiaqty türlı salalardaǧy özara bailanysty jandandyruǧa daiyn ekenın bıldırdı.
Taraptar ekı el arasyndaǧy mal şaruaşylyǧy, auyl şaruaşylyǧy, jeŋıl önerkäsıp jäne şaǧyn men orta biznes salalarynda özara tiımdı ekonomikalyq yntymaqtastyqtyŋ äleuetı joǧary ekenın atap öttı. Būl agrarlyq sektordyŋ bai resurstaryn eskere otyryp jüzege asyryluy mümkın.
Kezdesude jaŋa qysqa kölık baǧyttary men logistikalyq dälızderdı qūru mäselesıne erekşe nazar audaryldy. Būl tauarlar men önımderdıŋ tür-türın keŋeituge, sondai-aq bizneske qolaily jaǧdai jasauǧa mümkındık beredı. Sonymen qatar, būl qadam ekıjaqty sauda ainalymyn 500 million AQŞ dollaryna deiın arttyruǧa, tasymaldardyŋ jyldamdyǧy men tūraqtylyǧyn qamtamasyz etuge jäne öŋırlık sauda men yntymaqtastyqty yntalandyruǧa baǧyttalǧan maŋyzdy qadam bolmaq.
Qazaqstan Syrtqy ıster ministrı Mūrat Nūrtıleu memleket basşylary qol jetkızgen uaǧdalastyqtardy ıske asyru arqyly ekıjaqty qatynastardy odan ärı damytuǧa jäne tereŋdetuge daiyn ekenın rastady.
Taraptar Moŋǧoliia men Qazaqstan arasyndaǧy strategiialyq ärıptestıktı nyǧaituǧa baǧyttalǧan ministrlıkter men ūiymdar arasyndaǧy tyǧyz yntymaqtastyqty joǧary baǧalap, osy baǧyttaǧy belsendı jūmysty jalǧastyruǧa niettı ekenderın bıldırdı.
Mausym aiynyŋ basynda jemqorlyqqa qarsy narazylyqtardan soŋ eldıŋ būrynǧy premer-ministrı Luvsannamsrain Oiuun-Erdene otstavkaǧa ketken. Narazylyq şeruınde adamdar Oiuun-Erdeneden 22 jastaǧy ūlynyŋ tabys közın aşyq jariialaudy talap etken. Onyŋ qalyŋdyǧy äleumettık jelılerde qymbat syilyqtardyŋ suretterın jariialaǧan: brilliant jüzık, kölık jäne brendtık sömke.
