Qazaqstan Energetika ministrlıgı Jerorta teŋızınde, Liviia jaǧalauynda jarylǧan tanker bortynda Qazaqstan mūnaiy bar degen aqparatty joqqa şyǧardy, dep habarlaidy “Adyrna” ūlttyq portaly QazTAG agenttıgıne sıltep.
«Liviia jaǧalauynda tankerdıŋ jaryluy turaly būqaralyq aqparat qūraldarynda taraǧan mälımetterge bailanysty, atalǧan tankerde qazaqstandyq mūnai bolǧan degen derekke qatysty tömendegını habarlaimyz. İnsident jeke menşık tankerde oryn alǧan, onyŋ soŋǧy jüktemesı Liviia porttarynyŋ bırınde jüzege asyrylǧan. Apat kezınde tankerde qazaqstandyq mūnai bolǧany turaly aqparat şyndyqqa säikes kelmeidı», – dep mälımdedı seisenbı künı Energetika ministrlıgınıŋ baspasöz qyzmetı.
Būǧan deiın Jerorta teŋızınde tankerdıŋ jaryluy turaly aqparatty bırneşe BAQ taratqan bolatyn. Onda jarylǧan tanker būǧan deiın qazaqstandyq mūnaidy tasymaldaǧany aitylǧan.
