Şymkent qalasynda joiqyn jer sılkınısı bolǧan jaǧdaida azamattyq qorǧau küşterı men şūǧyl qyzmetterdıŋ ıs-qimyldaryn pysyqtauǧa baǧyttalǧan «Jer-2025» respublikalyq komandalyq-ştabtyq oqu-jattyǧularyna daiyndyq jürgızılude.
Oqu-jattyǧularǧa TJM 52859, 28237, 68303 äskeri bölımderınıŋ jeke qūramy men tehnikasy, sondai-aq Türkıstan, Jambyl jäne Qyzylorda oblystarynan kelgen jedel toptar tartylǧan. Tötenşe jaǧdailardyŋ saldaryn joiu jönındegı ıs-qimyldar josparyna säikes oqu-jattyǧuǧa Tötenşe jaǧdailar, Densaulyq saqtau, Işkı ıster, Qorǧanys ministrlıkterınıŋ qūtqaru bölımşelerı men qyzmetkerlerı jäne basqa da müddelı mekemeler qatysuda.
Şymkent qalasynda TJM aldyŋǧy şeptegı toby men jergılıktı atqaruşy organdar bırlesıp, tötenşe jaǧdailardyŋ saldaryn joiu boiynşa praktikalyq ıs-qimyldardy pysyqtauǧa arnalǧan 4 oqu poligonyn daiyndady.
Şymkentte joiqyn jer sılkınısı bolǧan jaǧdaida halyqty uaqytşa ornalastyruǧa arnalǧan şatyrly lager qūryldy. Mūnda barlyq qajettı jaǧdai jasalǧan: tūrǧyn aimaq, kommunaldyq-tūrmystyq nysandar, tamaqtanu aimaǧy, şūǧyl medisinalyq kömek körsetuge arnalǧan Apattar medisinasy ortalyǧynyŋ mobildı gospitalı, mobildı HQKO jäne bailanys punktı.
Oqu-jattyǧu barysynda TJM qūtqaruşylary, azamattyq qorǧau qyzmetterı jäne jergılıktı atqaruşy organdar zamanaui tehnika men jabdyqtardy paidalana otyryp, evakuasiialau, uaqytşa ornalastyru punktterın jaiǧastyru jäne zardap şekken halyqqa keşendı kömek körsetu algoritmderın pysyqtauda.
