Halyk Bank Click (Özbekstan) aksionerlerımen strategiialyq kelısım jasasqany jäne Click-tıŋ 49% aksiialaryn satyp alǧany turaly, sondai-aq özınıŋ Özbekstandaǧy enşıles bankı Tenge Bank AKB-nıŋ 49% aksiialaryn Click aksionerlerıne satqany turaly habarlaidy.
Kelısım talaptaryna säikes, Halyk Click-tıŋ 49% aksiialary üşın 176.4 mln AQŞ dollary mölşerınde tölem jürgızedı. Öz kezegınde Click aksionerlerı Tenge Bank-tıŋ 49% aksiialary üşın 60.76 mln AQŞ dollaryn töleidı. Mämıle qūrylymy taraptarǧa derbes zaŋdy tūlǧalar märtebesın saqtai otyryp, tyǧyz serıktestıkte jūmys ısteuge mümkındık beredı.
Mämılelerdı aiaqtau Qazaqstan men Özbekstanda tiıstı retteuşılık kelısımder alǧannan keiın josparlanyp otyr.
Mämıle turaly osy uaǧdalastyq naryqtyŋ bırın bırı tolyqtyratyn qyzmetterı men klienttık bazalary bar ekı köşbasşysynyŋ myqty jaqtaryn bırıktıru jönındegı strategiialyq maŋyzdy qadam bolyp tabylady.
Bır jaǧynan – Halyk aktivterı 37,5 mlrd AQŞ dollaryn qūraityn, ärtaraptandyrylǧan biznes-modelı jäne bölşek bizneske, ŞOB pen korporativtık bizneske arnalǧan banktık qyzmetterdı, saqtandyru, lizing, brokerlık qyzmetter, aktivterdı basqarudy jäne ömır saltyna arnalǧan qyzmetterdı (laifstail) qamtityn myqty sifrlyq ekojüiesı bar, naryqtyq kapitaldandyru deŋgeiı 6,8 mlrd AQŞ dollaryn qūraityn jäne de üş jetekşı reitingtık agenttıkterdıŋ barlyǧy bergen investisiialyq deŋgeiı (Moody's – Baa1, Standard and Poor`s - BBB-, Fitch Ratings - BBB-) öŋırdegı eŋ joǧary kredittık reitingterge ie Ortalyq Aziiadaǧy eŋ ırı qarjylyq top.
Ekınşı jaǧynan – Click klientter bazasy 20 mln. adamdy qūraityn Özbekstannyŋ jetekşı tölem ūiymy jäne de sifrlyq şeşımder salasynda myqty qūzyrettılıkterge ie finteh-köşbasşysy. Click platformasy Özbekstannyŋ qoldanystaǧy banktık kartalaryn da, sondai-aq jeke sifrlyq ämiiandardy (bügıngı künı şamamen 10 mln) qoldanyp, tölemder men audarymdardy basqarudyŋ yŋǧaily ädısın ūsynady. Superqosymşanyŋ (SuperApp) strategiiasyn sättı ıske asyra otyryp, Slick jeke özınıŋ jäne serıktesterdıŋ qyzmetterdıŋ keŋ auqymyn – dästürlı tölemder men saqtandyrudan bastap jetkızuge, avtoqyzmetter jäne qaiyrymdylyqqa deiın, sonymen qatar onlain jäne oflain sauda jasau, qaryzdardy öteu men memlekettık qyzmetterdıŋ aqysyn töleuge deiın bırıktırdı. Ondaǧan şaǧyn qosymşalar (MiniApps) kün saiyn tūtynuşylardyŋ köptegen sūranystaryn qanaǧattandyrady. Būl rette biznes-serıktesterı — kompaniiamen serıktes 70 myŋ servis — öz önımderın qosymşa şyǧynsyz auqymdy auditoriiaǧa taratu mümkındıgıne ie bolady. Mūndai strategiia 2024 jyly aitarlyqtai nätijege qol jetkızuge mümkındık berdı: kompaniianyŋ kırısı 35,3%-ǧa, al paidasy —37,5%-ǧa östı.
Halyk jäne Click tūrǧyndar men biznes üşın banktık, finteh jäne sifrlyq ekojüie qyzmetterı salasynda Özbekstannyŋ qarqyndy damyp kele jatqan naryǧyndaǧy pozisiialardy keŋeitu maqsatynda küş bırıktıredı. Būl strategiialyq serıktestık auqym, tehnologiialyq taldama jäne innovasiialardy bırıktırıp, ırı jäne orta korporativtık klietterı, şaǧyn jäne mikrobiznes, sonymen qatar bölek biznes klientterı üşın üzdık şeşımder men qyzmetter ūsynuǧa mümkındık beredı.
2025 jylǧy 01 şıldedegı jaǧdai boiynşa Halyk-tyŋ Özbekstandaǧy investisiialarynyŋ jiyntyq kölemı 1,5 mlrd AQŞ dollaryn qūrady, jäne de būl kelısım - Halyk-tyŋ osy eldegı investisiialyq strategiiasyn jüzege asyrudaǧy aitarlyqtai qadamy.
Qabyldanǧan strategiialyq şeşımnıŋ arqasynda, Halyk tobynyŋ Qazaqstanda jäne Özbekstanda äreket etuın eskere otyryp, Bank 32,1 mln-nan astam adamdy qūraityn klientter bazasyn qamtidy, osy arqyly halqynyŋ jalpy sany 58 mln jäne şaǧyn biznes pen jeke käsıpkerlerdıŋ jiyntyq sany 2,6 mln kompaniia bolatyn ekı elde öz pozisiiadaryn keŋeite alady.
Halyk 2006 jyldan bastap London qor birjasynda jahandyq depozitarlyq qolhattary (JDQ) ornalastyrylǧan Qazaqstan naryǧyndaǧy jariia kompaniia bolyp tabylady. Qazırgı jaǧdai boiynşa şeteldık aksionerlerdıŋ ülesı 28,3% qūraidy – būl AQŞ, Ūlybritaniia, Europa jäne Aziiadaǧy eŋ ırı halyqaralyq investisiialyq qorlar.
Halyk pen Click-tıŋ serıktestıgı Özbekstannyŋ jeke kompaniialarynyŋ halyqaralyq kapital naryqtarynda tanyluyn arttyruǧa jäne Ortalyq Aziianyŋ jahandyq investisiialyq tarihyn qūruǧa eleulı üles qosuǧa mümkındık beredı.
Click jäne Tenge Bank öz qyzmetın derbes zaŋdy tūlǧalar retınde jüzege asyrudy jalǧastyrady. Būl rette barlyq klientterge būrynǧy talaptarǧa säikes qyzmet körsetıletın bolady, al kompaniialardyŋ barlyq qoldanystaǧy şarttary men mındettemelerı küşınde qalady jäne uaqtyly ärı tolyq kölemde oryndalatyn bolady.
Halyk Bank turaly
Halyk Bank – bölşek, ŞOB jäne korporativtık bank qyzmetterın, saqtandyrudy, lizingtı, brokerlık qyzmetterdı, aktivterdı basqarudy jäne ömırge qajettı qyzmetterdı (laifstail) qosa alǧanda, ärtürlı segmentterde jūmys ısteitın Qazaqstandaǧy jetekşı qarjy toby. Banktıŋ Qazaqstan qor birjasynda (KASE) 1998 jyldan berı, London qor birjasynda (LSE) 2006 jyldan berı jäne Astana halyqaralyq birjasynda (AIX) 2019 jyldan berı listingı bar.
2025 jylǧy 31 nauryz jaǧdaiy boiynşa jiyntyǧynda 18,855.9 mlrd teŋge mölşerındegı aktivterge ie bola otyryp, Bank Qazaqstandaǧy eŋ ırı kreditor bolyp tabylady. Bank eldegı eŋ ırı klienttık bazalardyŋ bırıne ie jäne filial jelısı keŋ taraǧan, el boiynşa 542 filialy men bölımşesı bar. Sonymen qatar Bank Gruziia men Özbekstanda qyzmet etedı.
Bank turaly tolyǧyraq aqparatty: https://www.halykbank.com saitynan tabuǧa bolady.
Click turaly
Click – mobildı tölemder naryǧynda 20 millionnan astam paidalanuşysy jäne 38%-dan astam ülesı bar Özbekstannyŋ jetekşı finteh-kompaniiasy. 2024 jyly Click tölemder men saqtandyrudan bastap jetkızu, avtokölık qyzmetterı men qaiyrymdylyqqa deiıngı qyzmetterdıŋ keŋ auqymyn bırıktıretın superappqa ainaldy. 2024 jyly kırıs 35,3%-ǧa, paida 37,5%-ǧa östı. Click künıne 2 millionnan astam tranzaksiiany öŋdeidı, №1 tölem ūiymynyŋ lisenziiasyna ie, PCI DSS 4.0 boiynşa sertifikattalǧan, Numo jäne Uzcard boiynşa onlain tölemderdıŋ köşınde tūr, Jİ, «jasyl» energetikalyq şeşımderge investisiia salady, sondai-aq Yashil Meros jäne Inson Uchun bastamalaryn qoldaidy.
Click turaly tolyǧyraq aqparatty: https://www.click.uz saitynan tabuǧa bolady
Tenge Bank turaly
Tenge Bank – ırı jäne orta korporativtık klientterge, şaǧyn jäne mikrobizneske, sondai-aq bölşek klientterge qazırgı zamanǧy banktık tehnologiialardy paidalana otyryp qarjylyq qyzmetterdıŋ keŋ spektrın körsetetın ämbebap bank. Qazırgı uaqytta Tenge Bank Halyk Bank-tıŋ 100% enşıles bankı bolyp tabylady. 2025 jylǧy 31 nauryzdaǧy jaǧdai boiynşa Tenge Bank-tıŋ HQES boiynşa jiyntyq kredittık portfelı 4,5 trln sumnan asty, al HQES boiynşa aktivterdıŋ jalpy kölemı 7,7 trln sumnan asty.
2024 jyly Tenge Bank sifrlyq onbording pen käsıpkerlerge sifrlyq kredit berudı elde bırınşı bolyp ıske qosty.
Banktıŋ Moody's halyqaralyq reitingtık agenttıgınen Özbekstannyŋ täuelsız reitingı deŋgeiınde – Ba3 kredittık reitingı bar, boljam – Tūraqty.
2024 jyly Tenge Bank Global Finance nūsqasy boiynşa Özbekstannyŋ üzdık bankı bolyp tanyldy, sondai-aq Global Banking & Finance Awards-tyŋ «Özbekstannyŋ üzdık korporativtık bankı», «Jeke käsıpkerlerge arnalǧan eŋ innovasiialyq sifrlyq kredittık önımder» jäne International Finance-tıŋ «Üzdık şeteldık bank» marapattaryna ie boldy
