Almaty qalasyndaǧy saiabaqtardyŋ bırınde ornalasqan "Vals" attraksionynda kämeletke tolmaǧan qyz bala auyr jaraqat alyp, jabyq bas-süiek-mi jaraqatymen auruhanaǧa jetkızılgen. Oǧan ekı kürdelı ota jasaldy, dep habarlaidy "Adyrna" ūlttyq portaly.
Zardap şekken balanyŋ anasy Madina Askenova būl oqiǧaǧa saiabaq äkımşılıgınıŋ salǧyrttyǧy sebep bolǧanyn aityp, ädıldıktı talap etude. Onyŋ sözınşe, attraksionda tehnikalyq aqau bolǧanyna qaramastan, ol jūmys ıstep tūrǧan. Anasy qauıpsızdık erejelerınıŋ būzylǧanyn däleldeitın beinematerialdar men basqa da aiǧaqtar bar ekenın mälımdedı.
"Būl jai ǧana qaiǧyly oqiǧa emes. Būl — jauapsyzdyqtyŋ, nemqūraidylyqtyŋ saldary. Menıŋ qyzym densaulyǧynan aiyryldy, al kınälıler älı de bostandyqta jür", — deidı anasy.
Ol "jauapty tūlǧalar jazalanbai otyr" dep pıkır bıldırdı.
Al oqiǧaǧa qatysty mäjılıs deputaty Janna Asanova da pıkır bıldırdı. Ol attraksiondardaǧy qauıpsızdık mäselesı Almaty qalasyna ǧana emes, el aumaǧynda da özektı ekenın atap öttı.
"Būl – jüielı problema. Jazataiym oqiǧalar kezınde ata-analar balalaryn qorǧai almai otyr. Madina Askenovanyŋ özı ädılet üşın küresıp jürgen adam bolatyn. Endı özı ädıletsızdıktıŋ qūrbanyna ainaldy. Būl ıstı jeke baqylauyma aldym", — dedı deputat.
