27 şıldede Germaniiada jolauşylar poiyzy relsten şyǧyp kettı. Temırjol apatynan 3 adam qaza tauyp, 50-den astamy jaraqat aldy, dep habarlaidy «Adyrna» tılşısı.
Oqiǧa Baden-Viurtemberg federaldy jerındegı Ridlingen qalasy maŋynda bolǧan. Ştutgart polisiiasynyŋ mälımetınşe, Deutsche Bahn kompaniiasyna tiesılı aimaqtyq ekspress poiyz Zigmaringennen Ulmge baǧyt alyp bara jatqan. Poiyzda şamamen 100 jolauşy bolǧan. Apat saldarynan ekı vagon relsten şyǧyp ketken. Keibır vagon ormandy alqapqa qūlaǧan.
Äzırge qaiǧyly oqiǧanyŋ sebepterı resmi türde jariialanǧan joq.
«Tergeu bastaldy. Qazır oqiǧa ornynda zattai aiǧaqtar jinaluda. Oqiǧanyŋ män-jaiyn tolyq aitatyn bolamyz», — dedı Ulm qalasy polisiiasynyŋ baspasöz hatşysy Sven Franken.
Ūqsas jaŋalyqtar
