Abai oblysynda Abaidyŋ 180 jyldyǧyna arnalǧan onkündık mereitoilyq şaralar bastaldy. Bügın Semei qalasyndaǧy Mūhtar Äuezov atyndaǧy pedagogikalyq kolledjdıŋ «Es-Aimaq» ruhani ortalyǧynda «Abai akademiasy» atty ensiklopediialyq portaldyŋ tūsaukeserı öttı.
Abai şyǧarmaşylyǧyna arnalǧan tūŋǧyş ensiklopediialyq portaldyŋ tanystyrylymyna oblys äkımı Berık Uäli, ziialy qauym ökılderı, abaitanuşy ǧalymdar qatysty.
«Abai akademiasy» jobasynyŋ jetekşısı Aijan Täbarakqyzy jinalǧandarǧa portaldy tanystyrdy.
«Abai akademiyasy» portaly – Abai mūrasyn öskeleŋ ūrpaqqa nasihattaityn, aqyn turaly tolyq mälımet ūsynatyn ǧylymi-tanymdyq derekköz. Platformada aqynnyŋ ädebi, ǧylymi, publisistikalyq jäne epistoliarlyq eŋbekterı tekstologiialyq saraptamamen, türlı formatta jinaqtalǧan. Materialdar Abai instituttary, ǧylymi ortalyqtar, arhivter men mūrajailardan alynyp, sifrly türde engızılgen. Sondai-aq tele-radio habarlar men derektı filmder de qamtylǧan.
Ensiklopediialyq portaldyŋ tūsaukeserınde söz söilegen aimaq basşysy Abai toiy biyl tūŋǧyş ret 10 kündık retınde atap ötıletının aityp, 1-10 tamyz aralyǧynda Semei qalasy men Abai, oblystyŋ özge de audandarynda türlı mädeni-ruhani, tanymdyq, intellektualdyq ıs-şaralardyŋ josparlanyp otyrǧanyna toqtaldy.
«Atap ötu kerek, atalǧan 10 kündıktıŋ ötuıne qarjyny tügeldei janaşyr demeuşıler köterıp otyr. Abai toiynyŋ öŋırımızge eŋ basty syilyǧy – Memleket basşysynyŋ qoldauymen bastalǧan «Abaiǧa qūrmet» aksiiasy. Hakımnıŋ toiynda elımızdıŋ är öŋırı jaŋadan qūrylǧan oblysymyzǧa bır nysannan salyp beretın boldy. Maŋǧystau «Dostyq üiın», Şymkent şyǧarmaşylyq ortalyq, Türkıstan körme ortalyǧyn, Astana Jaily mektep, Aqtöbe jekpe jek ortalyǧy, Pavlodar oblysy Üstel tennis ortalyǧyn saluǧa, Şyǧys Qazaqstan Ertıs jaǧalauyn jasap beremız dep otyr. Özge öŋırler de habarlasyp, yqylas-nietterın bıldırıp jatyr» dedı oblys äkımı.
Ensiklopediialyq portaldyŋ Abai mūrasyn zamanaui formatta jetkızu tūrǧysynda maŋyzdy ekenın atap öttı.
«Memleket basşysy Qasym-Jomart Kemelūly Toqaev «Abai jäne 21 ǧasyrdaǧy Qazaqstan» atty maqalasynda «Abaidyŋ şyǧarmalaryna zer salsaq, onyŋ ünemı eldıŋ alǧa jyljuyna, ösıp-örkendeuıne şyn nietımen tıleules bolǧanyn, osy ideiany barynşa därıptegenın baiqaimyz. Al, ılgerıleudıŋ negızı bılım men ǧylymda ekenın anyq bılemız. Abai qazaqtyŋ damylsyz oqyp-üirengenın bar jan-tänımen qalady. «Ǧylym tappai maqtanba» dep, bılımdı igermeiınşe, biıkterdıŋ baǧyna qoimaitynyn aitty» dep Abaidyŋ mūratyn, maqsaty men armanyn jılıktep aityp, bügıngı qazaq balasyna oi salǧan bolatyn. Demek, bügın köpke jol tartatyn Abaiǧa arnalǧan ensiklopediialyq portal, hakım mūralaryn öskeleŋ ūrpaqqa nasihattau jolynda negızgı baǧdarşam bolmaq. Sondai-aq Abai turaly aqparat ızdegen adam «Abai akademiyasy» portaly arqyly tolyqqandy qol jetkıze alady», – dedı aimaq basşysy.
Şara barysynda abaitanuşy Arap Espenbetov, «Jidebai-Börılı» muzei-qoryǧynyŋ direktory Ūlan Saǧadiev, ädebiettanuşy, PhD doktory Qarlyǧaş Äubäkır ensiklopediialyq portal turaly pıkırlerın aitty.
«Bügın aşylyp otyrǧan «Abai akademiasy» ensiklopediialyq portaly – ǧylymi, mädeni, aqparattyq ortadaǧy būryn-soŋdy bolmaǧan erekşe qūbylys dep aituǧa tolyq negız bar. Elektrondyq portal bärımızge ortaq. Ol jas ǧalymǧa da, ızdenuşıge de, studentke de, oquşyǧa da, qarapaiym jūmysşyǧa da ortaq. Özınıŋ dosy siiaqty äŋgımelesıp, qajettı derekterın qabyldap, ary qarai özınıŋ ūly aqyn turaly oilary men qarymdaryn damytatyny sözsız. Abaidy bılemın, tanimyn, ūǧamyn, tüsınemın deitın jannyŋ barlyǧyna kömek beretın, eŋ ülken basty qūral, ensiklopediia» , - dedı Arap Espenbetov.
Bügın onkündık aiasynda Semeidegı Beibıtşılık aralynda etnoauyl qalaşyǧy, belgılı suretşı Aŋsaǧan Mūstafanyŋ «Köŋılge türlı oi salar» atty körmesı aşylady. «Arena» mädeni-sport keşenınde «Adamzattyŋ alyby – hakım Abai» atty mereitoilyq gala-konsert ötedı.
