Bügın Aiagöz qalasynda «Keleşek mektepterı» ūlttyq jobasy aiasynda zamanaui ülgıdegı jaŋa mektep paidalanuǧa berıldı. Aşylu saltanatyna oblys äkımı Berık Uäli, QR Oqu-aǧartu ministrı Jūldyz Süleimenova qatysyp, ūstazdar, oquşylar jäne ata-analardy aituly oqiǧamen qūttyqtady.
«Memleket basşysy Qasym-Jomart Kemelūly Toqaev bılım salasyna, mūǧalımderdıŋ märtebesın köteruge ärdaiym erekşe köŋıl bölıp keledı. Prezidenttıŋ bastamasymen qolǧa alynǧan «Keleşek mektepterı» jobasy aiasynda Abai oblysynda üş mektep salyndy. Bügın, mıne, sol igı bastamanyŋ jalǧasy retınde Aiagöz qalasynda 600 oryndyq törtınşı mekteptıŋ aşylu saltanatyna jinalyp otyrmyz. Oqu-aǧartu ministrı Jūldyz Dosbergenqyzyna jerlesterımızdıŋ atynan airyqşa alǧys bıldıremız. Ministr retındegı bırınşı mektebın osy Abai elınde aşyp jatqany bız üşın ülken märtebe. Būl mektep Aiagöz qalasyndaǧy mektep tapşylyǧy mäselesın şeşuge septıgın tigızedı. Şetkerı audan tūrǧyndaryna arnalǧan, barlyq jaǧdai jasalǧan zamanaui bılım ordasy. Prezidenttıŋ qoldauymen aşylyp jatqan mektepte bılım alǧan oquşylar aldaǧy uaqytta respublikalyq, halyqaralyq olimpiadalarǧa qatysyp, öz mümkındıkterın körsetedı dep oilaimyz. Jaŋa mektep qūtty bolsyn», – dedı aimaq basşysy.
Oqu-aǧartu ministrı Jūldyz Süleimenova «Keleşek mektepterı» ūlttyq jobasy aiasynda aşylǧan mektepterdıŋ öŋırdıŋ bılım salasyna tyŋ serpın beretının atap öttı.
«Halyqaralyq pändık olimpiadalar, ǧylymi joba jarystary boiynşa 20 öŋırdıŋ ışınde Abai oblysynyŋ oquşylary köş bastap tūr. Būl Abai oblysynyŋ jas örenderınıŋ ǧylym men bılımge qūştar ekenın körsetedı. Aldaǧy uaqytta biudjet mümkındıkterıne qarai Aqsuat, Maqanşy, Ürjar audandaryna «Keleşek mektepterın» saludy qarastyratyn bolamyz. Jaŋa mektep qūtty bolsyn! Osy mektepten bılım alǧan oquşylar elımızdıŋ erteŋıne üles qosatyn azamattar bolsyn», - dedı ol.
Oqu-aǧartu ministrı mekteptıŋ pändık oqu kabinetterın, zerthanalardy, sport zaldy aralap, oquşylarmen, mūǧalımdermen, ata-analarmen pıkırlestı. Mektep oquşylarynyŋ önerın tamaşalady. Oblys äkımımen bırge mektep aulasyna aǧaş köşetterın otyrǧyzdy.
Jaŋa mektep üş qabatty, zamanaui talaptarǧa sai salynǧan üş ǧimarattan tūrady. Jalpy aumaǧy 9 992,8 şarşy metr. 600 oquşyǧa arnalǧan bılım ordasynda 35 oqu kabinetı bar. Onyŋ ışınde fizika, himiia, biologiia, informatika, STEM jäne robototehnika zerthanalary tolyq jabdyqtalǧan. Sondai-aq sport jäne akt zaldary, medisinalyq punkt, ashana men alǧaşqy äskeri daiyndyq kabinetı bar. Mektep jaratylystanu-matematikalyq baǧytta jūmys ısteidı. Mūnda 42 pedagog qyzmet etedı, olardyŋ arasynda 10 pedagog-zertteuşı, 8 pedagog-sarapşy jäne 11 pedagog-moderator bar. Oqytu tolyq qazaq tılınde jürgızıledı.
Būl – biyl Abai oblysynda «Keleşek mektepterı» jobasy aiasynda aşylǧan törtınşı bılım ordasy. Būǧan deiın Besqaraǧai audanynda 300 oryndyq, Semei qalasynyŋ Qaraǧaily yqşam audanynda 1200 oryndyq, Vodnyi kentınde 600 oryndyq mektepter paidalanuǧa berılgen bolatyn.
Qazırgı uaqytta oblys ortalyǧyndaǧy Şyǧys kentınde 300 oryndyq mekteptıŋ qūrylysy jürgızılıp jatyr. Sonymen qatar Jarma audanynyŋ Suyqbūlaq auylynda 100 oryndyq mekteptıŋ qūrylysy bastaldy. Aqsuat audanynyŋ Ekpın auylynda 300 oryndyq mektep qūrylysyna jobalyq-smetalyq qūjattama äzırlenıp, saraptamaǧa joldanǧan. Sondai-aq Semei qalasyndaǧy №11 orta mektepke jaŋa ǧimarat salu üşın jobalyq qūjattar daiyndaluda. Ekı nysan da apatty dep tanylǧan bolatyn. Būl jobalar tolyq ıske asqanda myŋǧa juyq balanyŋ sapaly bılım aluyna mümkındık beredı.
