Qostanai qalasynda Tolstoi köşesındegı päterlerdıŋ bırınde er adamnyŋ mäiıtı tabyldy, dep habarlaidy "Adyrna" ūlttyq portaly oblystyq PD sıltep.
Aldyn ala mälımet boiynşa, marqūm būl üide tūrmaǧan. Kuägerlerdıŋ aituynşa, ol päterge zaŋsyz kırıp, sol üide bolǧan kämeletke tolmaǧan balany auyr jaraqattaǧan. Keiın özıne-özı qol jūmsaǧan.
Qostanai oblystyq polisiia departamentı būl derektı rastady. Vedomstvo mälımdemesıne säikes, qazırgı uaqytta kämeletke tolmaǧan adamnyŋ densaulyǧyna auyr ziian keltıru jäne mäiıt tabu faktılerı boiynşa ekı sotqa deiıngı tergeu bastaldy.
«Qazırgı taŋda barlyq qajettı tergeu äreketterı jürgızılude. Özge mälımetter tergeu müddesıne bailanysty jariialanbaidy», – dep habarlady departamenttıŋ baspasöz qyzmetı.
Jaraqat alǧan bala medisinalyq mekemege jetkızılıp, tiıstı kömek körsetılude. Oqiǧa jūrtşylyq arasynda alaŋdauşylyq tuǧyzdy. Qūqyq qorǧau organdary ıstıŋ män-jaiyn anyqtaudy jalǧastyryp jatyr.
