Qazaqstan qūramasy mektep oquşylaryna arnalǧan Halyqaralyq jasandy intellekt olimpiadasynda (IOAI 2025) eŋ üzdık nätijelerdıŋ bırın körsetıp, 3 altyn, 1 kümıs jäne 3 qola medal jeŋıp aldy. Būl doda oquşylardyŋ jasandy intellekt men tehnikalyq bılım salasyndaǧy daiyndyq deŋgeiın körsettı.
Olimpiada 2–9 tamyz aralyǧynda Beijıŋde ötıp, 61 elden kelgen 77 komandany jinady. Qazaqstan atynan oǧan ekı komanda qatysyp, qūrama üzdıkter qatarynan tanyldy.
Osylaişa, altyn medal iegerlerı – Qasymqan Jänıbek, Äbu Qanabek jäne Sūltanbi İsatai atansa, kümıs medaldı Auşahman Tälım jeŋıp aldy, al qola medal Timur Şakuov, Däujan Beketov pen Sūltanbek Saryǧa būiyrdy.
Sondai-aq, IOAI ūiymdastyru komitetınıŋ maqtau qaǧazymen Batyr Erdenov marapattaldy.
Altyn medal sany boiynşa beiresmi esepte Qazaqstan 3 altynmen Polşa, Ündıstan jäne Vetnammen ekınşı oryndy bölıstı. Bırınşı oryndy Resei komandasy (6 altyn medal) ielendı. Sonymen qatar üzdık ondyqqa Singapur (2 altyn), Rumyniia, Japoniia, Şvesiia jäne Gonkong-Qytai (ärqaisysy 1 altyn) kırdı.
IOAI – būl ǧylymi jäne praktikalyq bölımderdı bırıktıretın bedeldı halyqaralyq jarys. Onda qatysuşylar jeke jäne komandalyq türde beine men suret generasiiasy, maşinalyq oqytu, tabiǧi tıldı öŋdeu, kompiuterlık köru jäne basqa da baǧyttardaǧy jasandy intellektke negızdelgen şeşımderdı äzırleu boiynşa tapsyrmalardy oryndaidy.
Baiqau baǧdarlamasynan bölek, olimpiada aiasynda älemnıŋ jetekşı sarapşylarynyŋ därısterı, etikalyq pıkırtalastar, mädeni jäne bılım beru ıs-şaralary ūiymdastyrylady. Jarystyŋ maqsaty – jastar arasynda jasandy intellekttı nasihattau.
Qazaqstan qūramasynyŋ bas serıktesı Astana Hub halyqaralyq innovasiialyq klasterı atandy.
Astana Hub komanda daiyndyǧyna eleulı üles qosyp, ūlttyq qūramanyŋ älemdık arenadaǧy qatysuyna qoldau körsettı jäne Qazaqstannyŋ jasandy intellekt salasyndaǧy jaŋa ortalyq retınde bedelın nyǧaitty.
Qazaqstan qūramasynyŋ Olimpiadaǧa qatysuyn ūiymdastyruşy - Qazaqstannyŋ sporttyq baǧdarlamalau federasiiasy (CPFED). Federasiianyŋ maqsaty - halyq arasynda sporttyq baǧdarlamalaudy nasihattau jäne damytu, sondai-aq qazaqstandyq qatysuşylardyŋ respublikalyq jäne halyqaralyq jarystardaǧy nätijelerın arttyru.
Qatysuşylardy ırıkteu men daiyndaudan bastap sapardy ūiymdastyruǧa deiıngı jan-jaqty qoldaudyŋ arqasynda CPFED ūlttyq qūramanyŋ sapaly daiyndaluyn qamtamasyz ettı. Būl - olardyŋ sättı öner körsetuıne yqpal etken negızgı faktorlardyŋ bırı boldy.
Qazaqstan qūramasynyŋ būl jetıstıgı IT-bılım berudıŋ joǧary deŋgeiın jäne oquşylardyŋ ozyq tehnologiialarǧa degen qyzyǧuşylyǧyn däleldeidı. IOAI 2025 olimpiadasyndaǧy jeŋıs – būl tälımgerlerdıŋ jüielı eŋbegınıŋ, bılım beru bastamalaryn qoldaudyŋ jäne jasandy intellekttıŋ bolaşaǧyn bügınnen bastap qalyptastyruǧa daiyn jas mamandar qataryn arttyrudyŋ nätijesı bolyp otyr.
