Balqaştaǧy demalys ornynda qaiyqpen seruendeu kezınde üş qyz suǧa batyp kete jazdap, auruhanaǧa jetkızıldı, dep habarlaidy "Adyrna" ūlttyq portaly.
Äleumettık jelıde taraǧan videoda boijetken oqiǧanyŋ qalai bolǧanyn aityp bergen. Onyŋ sözınşe, su kölıgıne mıner aldynda qyzdardyŋ bırı jüze almaitynyn eskertıp, artyq qimyl jasamaudy sūraǧan. Alaida qaiyq tızgındegen jıgıtter būl eskertudı elemei, kenet būrylys jasaǧan. Saldarynan qyzdar suǧa qūlaǧan.
Bır qyz qūtqaru jiletın dūrys kimegen bolsa, ekınşısınıŋ şomylu kiımı trosqa oralyp, tūnşyǧa bastaǧan. Sol sätte qyzmetkerler kömekke asyqpai, kerısınşe, külıp qarap tūrǧany aityldy. Qyzdardyŋ bırı esınen tanyp qalǧan, al özgelerı ony jaǧaǧa şyǧaryp, jedel järdem şaqyrǧan.
Därıgerler üş adamǧa «aspirasiialyq pnevmoniia» diagnozyn qoiyp, auruhanaǧa jetkızgen.
Zardap şekkender būl jaǧdaidy «qylmystyq nemqūrailylyq» dep sanaidy jäne kınälılerdıŋ zaŋ aldynda jauapqa tartyluyn talap etude.
"Bız qauıpsız attraksiondy taŋdadyq, saq boludy eskerttık, qyzmet körsetuşılerge sendık. Soŋynda ömırımızden airyluymyz mümkın edı. Bügın bız bır-bırımızdı qūtqardyq, al erteŋ būl jerde basqa adamdar nemese balalar boluy mümkın. Bız ünsız qalsaq, mūndai jaǧdailar qaitalana beredı", — deidı jäbırlenuşıler.
