Şymkentte Mūhtar Äuezov atyndaǧy Oŋtüstık Qazaqstan universitetınde bolǧan qarjy ūrlyǧyna qatysty atyşuly sot prosesı aiaqtaldy, dep habarlaidy "Adyrna" ūlttyq portaly Stan.kz-ke sıltep.
Tergeu derekterıne süiensek, 2022 jyldyŋ jaz-küz ailarynda universitettıŋ bırınşı prorektory tender ötkızbesten jäne memlekettık satyp aludy teksermei, bırqatar kelısımşarttarǧa qol qoiǧan. Nätijesınde üş käsıpkerdıŋ esepşotyna 141 million teŋgege juyq qarjy audarylyp, onyŋ 13 millionnan astamy joǧalyp ketken.
Aiyptauşy taraptyŋ mälımetınşe, alaiaqtyqqa şaruaşylyq bölımınıŋ basşysy, qarjy direktory, bırneşe käsıpker jäne taǧy ekı adam qatysqan. Keiın aiyptaluşy rektordyŋ mındetın atqaryp jürgen kezde taǧy da kelısımşarttar jasap, būl joly 116 million teŋgenı zaŋsyz jūmsaǧan. Qarajat jeke käsıpkerler men JŞS-terge audarylyp, tiıstı rūqsatsyz jöndeu jūmystaryna paidalanylǧan.
Ūrlanǧan aqşanyŋ bır bölıgıne sybailastar avtokölık satyp alǧany anyqtaldy. Jalpy keltırılgen şyǧyn 129 million teŋgeden asqanymen, keiınnen būl qarajat tolyǧymen qaitaryldy.
Sot ükımıne säikes būrynǧy bırınşı prorektor 5 jylǧa bas bostandyǧynan aiyryldy, oǧan memlekettık organdarda jūmys ısteuge ömır boiyna tyiym salyndy. Ekı käsıpkerge 5 jyl 7 ai şartty jaza taǧaiyndaldy. Taǧy ekı sybailas däl osyndai merzımge koloniiaǧa qamaldy, olardyŋ bıreuınıŋ mülkı tärkılendı. Bır aiyptaluşyǧa 1 jylǧa bostandyǧyn şekteu jazasy kesıldı.
Sot şeşımınde aiyptaluşylardyŋ jasaǧan ısterıne ökıngenı jäne kämeletke tolmaǧan balalary bar ekenı eskerılıp, jazalary jeŋıldetılgen.
