Qazaqstan Prezidentı Qasym-Jomart Toqaev Resei basşysy Vladimir Putinmen telefon arqyly söilestı, dep habarlaidy "Adyrna" ūlttyq portaly.
Memleket basşysy ärıptesın Ankoridjde AQŞ prezidentı Donald Tramppen ötken kezdesudıŋ qorytyndylarymen qūttyqtady. Onyŋ pıkırınşe, būl kelıssözder Amerika tarapyna Ukrainaǧa qatysty Resei ūstanymyn jaqsyraq tüsınuge mümkındık berıp, kürdelı mäsele boiynşa ortaq şeşım tabuǧa septıgın tigızedı.
«Qasym-Jomart Toqaev Aliaskadaǧy sammittı Reseidıŋ halyqaralyq arenadaǧy pozisiialaryn nyǧaitu men özara tüsınıstıktı arttyru tūrǧysynan maŋyzdy şara dep sanaidy. Sondai-aq ol būl sapardyŋ şeber ūiymdastyrylǧanyn atap öttı, būl qazırgı şielenıstı jaǧdaida ülken saiasi maŋyzǧa ie», – delıngen Aqordanyŋ habarlamasynda.
Öz kezegınde Putin Qazaqstan basşysyna Aliaskadaǧy kelıssözderdıŋ keibır naqty qyrlaryn baiandady.
Söz soŋynda Toqaev energetika salasyndaǧy konstruktivtı yntymaqtastyǧy üşın Resei basşysyna rizaşylyǧyn bıldırdı.
