19 tamyz künı Abai atyndaǧy Qazaq ūlttyq pedagogikalyq universitetınde QR Ǧylym jäne joǧary bılım ministrı Saiasat Nūrbek Almaty qalasynyŋ tūrǧyndarymen kezdesu ötkızdı.
Ǧylym jäne joǧary bılım salasyn damytu mäselelerıne qatysty özektı taqyryptar talqylanǧan kezdesuge qala tūrǧyndary, professor-oqytuşylar qūramy men belsendı jastar qatysty.
Kezdesude köterılgen negızgı mäseleler retınde QR joǧary bılım jäne ǧylymdy damytudyŋ 2023-2029 jyldarǧa arnalǧan tūjyrymdamasyna erekşe nazar audarylyp, joǧary bılım beru, jasandy intellekt jäne sifrlyq bılım, AI-SANA jobasy, infraqūrylym men jastardy qoldau, ǧylymi jobalardy qarjylandyrudyŋ qajettıgı ataldy. Sonymen qatar jalaqy men äleumettık kepıldıkterdı arttyru, studentter men jas ǧalymdardyŋ akademiialyq ūtqyrlyǧyn keŋeitu, qazaqstandyq JOO-nyŋ halyqaralyq reitingterdegı ornyn jaqsartu jäne bılım beru baǧdarlamalaryn jaŋa tehnologiialarmen jaŋartu mäselelerı de talqylandy.
Ministr Saiasat Nūrbek jiynda aitylǧan är mäsele boiynşa atqarylyp jatqan jūmystarǧa toqtaldy. Onyŋ aituynşa, demografiialyq ösımge bailanysty joǧary bılım beru salasyna tüsetın jükteme artyp keledı.
«Üş jyl būryn bız 620 myŋ studentpen bastaǧanbyz. Qazırdıŋ özınde 680 myŋnan astam student oqyp jatyr. Al 2029-2030 jyldarǧa qarai, bızdıŋ boljam boiynşa, studentter sany 1 millionǧa jetedı dep otyrmyz. İnfraqūrylym, sifrlyq platformalar, üzdıksız bılım, Coursera tärızdı halyqaralyq platformalarmen serıktestıkter - mūnyŋ bärı osy demografiialyq ösımge tıkelei bailanysty», - dep atap öttı ministr.
Basqosuda studentterdı jataqhanamen qamtu mäselesı de basty nazarda boldy. Būl turaly:
«Almaty qalasynda arnaiy Ahualdyq ortalyq aşyldy, ol arqyly kez kelgen student täulıktıŋ kez kelgen uaqytynda jataqhana mäselesı boiynşa kömekke jügıne alady. Mūndai şaralar jaŋa oqu jyly qarsaŋynda eşbır studenttı baspanasyz qaldyrmaudy maqsat etedı», - dedı ministr Saiasat Nūrbek.
Almaty jūrtşylyǧynyŋ nazaryna Memleket basşysynyŋ 2023 jylǧy 1 qyrküiektegı Joldauy aiasynda Ministrlık joǧary oqu oryndary bazasynda jasandy intellekt baǧytynda kadrlar daiarlau mındetın ıske asyru jūmystarynyŋ aǧymdaǧy nätijelerı, «Keleşek» bıryŋǧai erıktı jinaqtau jüiesı, «Mamandyǧym - Bolaşaǧym» jobasynyŋ jüzege asyryluy syndy özektı taqyryptar jönınde tyŋ aqparattar legı ūsynyldy.
Sondai-aq resmi bölımnen keiın ministrdıŋ jeke qabyldauy ötıp, onda bırneşe tūrǧyn özderınıŋ jekelegen mäselelerın tıkelei jetkızu mümkındıgıne ie boldy. Jergılıktı tūrǧyndar ministrmen osyndai aşyq jüzdesu formatynda pıkırlesuge mümkındık tuǧanyna rizaşylyq bıldırıp, ǧylym men bılım salasyndaǧy özgerısterge belsene atsalysuǧa daiyn ekenderın körsettı.
