Qazaqstan men Qyrǧyzstan şekarasy maŋynda 31 bas jylqy ūrlanǧan. Būl turaly oblystyq polisiia departamentı mälımdedı, dep habarlaidy “Adyrna”.
Būl qylmysqa bailanysty Kegen audanynda 42 jäne 22 jastaǧy ekı küdıktı ūstalyp, uaqytşa ūstau izoliatoryna qamaldy. Keltırılgen jalpy şyǧyn kölemı — 16 800 000 teŋge.
“Küdıktılerge qatysty mal ūrlyǧy faktısı boiynşa qylmystyq ıs qozǧaldy. Olardyŋ basqa da ūqsas qylmystarǧa qatysy tekserılıp jatyr. Tergeu jalǧasyp jatyr”, — dep habarlady oblystyq polisiia departamentı.
Tärtıp saqşylarynyŋ aituynşa, mal ūrlyǧy köbıne maldy qarausyz, baqylausyz jaiyp, qaldyrudan tuyndaidy.
“Maldy köbıne baqtaşysyz, erkın jaiylymǧa jıberedı. İelerı joǧalǧanyn aŋǧarǧanda, mal jaiylymnan alys ketıp qaldy dep oilap, özderı ızdeuge kırısıp uaqyt joǧaltady. Al ūrylardy ūstau men ūrlanǧan maldy qaitaruda alǧaşqy saǧattar şeşuşı röl atqarady”, — dep atap öttı vedomstvoda.
