28 tamyz künı Duşanbe qalasynda Täjıkstan prezidentı Emomali Rahmon Ortalyq Aziiany XXI ǧasyrda damytu maqsatynda dostyq, tatu körşılık jäne yntymaqtastyq turaly şartqa qol qoidy. Būl turaly Täjıkstan prezidentınıŋ baspasöz qyzmetı jariialady, dep habarlaidy “Adyrna”.
Räsım Qazaqstannyŋ Premer-Ministrınıŋ orynbasary – Syrtqy ıster ministrı Mūrat Nūrtıleumen kezdesuden keiın öttı. Taraptar būl qūjattyŋ jüzege asyryluy öŋırdegı beibıtşılık, tūraqtylyq jäne ornyqty damudy nyǧaitudyŋ maŋyzdy faktory bolatynyn atap öttı.
Kelıssözder barysynda saiasi yntymaqtastyq, sauda-ekonomikalyq bailanystardy damytu jäne mädeni-gumanitarlyq saladaǧy ärıptestık mäselelerı talqylandy. Sondai-aq, aldaǧy joǧary deŋgeidegı kezdesuler kestesı, TMD sammitı men «Ortalyq Aziia – Resei» formatyndaǧy jiynǧa daiyndyq söz boldy. Atalǧan ıs-şaralar Duşanbe qalasynda ötedı.
Būl şart alǧaş ret 2022 jylǧy 21 şıldede Cholpon-Atada Qazaqstan, Özbekstan jäne Qyrǧyzstan prezidentterı tarapynan qol qoiylyp qabyldanǧan. Ol kezde Täjıkstan men Türkımenstan ışkı memlekettık räsımderdı aiaqtau qajettıgın alǧa tartyp, kelısımge qosylmaǧan bolatyn. Endı Duşanbe būl kelısımge resmi türde qosyldy.
Negızgı tarmaqtar:
- Qatysuşy elder öŋırdegı qauıpsızdık pen tūraqtylyqty nyǧaituǧa mındetteledı.
- Egemendıkke nemese aumaqtyq tūtastyqqa qauıp töngen jaǧdaida taraptar bır-bırıne kömek körsetedı.
- Barlyq dauly mäseleler tek diplomatiialyq jolmen şeşıluı tiıs.
- Elder bır-bırıne qarsy äskeri bloktar men odaqtarǧa kırmeidı.
- Üşınşı elderdıŋ aumaq pen infraqūrylymdy körşı memleketterge ziian keltıru üşın paidalanuyna jol berılmeidı.
