Prezident Qasym-Jomart Toqaev Qazaqstan Respublikasy Konstitusiiasynyŋ 30 jyldyǧyna arnalǧan "Konstitusiia jäne memlekettılık: qūqyq pen bolaşaq dialogy" atty ǧylymi-praktikalyq konferensiiada söz söiledı. Būl turaly bügın, 29 tamyzda Aqorda mälımdedı, dep habarlaidy "Adyrna".
Ondaǧy aqparatqa köz jügırtsek, memleket basşysy osydan 30 jyl būryn Qazaqstan Respublikasynyŋ Konstitusiiasy qabyldanǧanyn eske saldy.
"Bügıngı jiynnyŋ män-maŋyzy airyqşa. Osydan 30 jyl būryn bükılhalyqtyq referendumda Qazaqstan Respublikasynyŋ Konstitusiiasy qabyldandy. Būl egemen elımız üşın tarihi sät boldy. Barşaŋyzǧa qūtty bolsyn deimın. Şyn mänınde, Ata zaŋnan biık eşteŋe joq. Sebebı Konstitusiia – memlekettıgımızdıŋ myzǧymas tūǧyry, Täuelsızdıgımızdıŋ ainymas temırqazyǧy. Qazaq – Ūly dala zaŋyna bas igen, ar-ūiattan attamaǧan halyq. Qasym hannyŋ qasqa joly, Esım hannyŋ eskı joly, Äz Täukenıŋ Jetı jarǧysy – naǧyz dala zaŋynyŋ jarqyn ülgılerı. Osy dästür eşqaşan üzılgen emes. Jūrtymyz dala zaŋynan qazırgı Ata zaŋyna deiın tarihi joldan öttı. Ötken ǧasyrdyŋ basynda qazaq ziialylary būl ıske eleulı üles qosty. Keŋes zamanynda elımızdıŋ qūqyqtyq ırgetasy qalandy, bılıktı zaŋgerler şoǧyry paida boldy", dedı Qasym-Jomart Toqaev
Onyŋ aituynşa, 1993 jyly egemen Qazaqstannyŋ alǧaşqy Ata zaŋy bekıtıldı, memleketımızdıŋ konstitusiialyq qūrylymy aiqyndaldy.
"1993 jyly egemen Qazaqstannyŋ alǧaşqy Ata zaŋy bekıtıldı, memleketımızdıŋ konstitusiialyq qūrylymy aiqyndaldy. Bıraq köp ūzamai jaŋa tarihi ahualǧa sai keletın jaŋa Konstitusiia qabyldau qajet boldy. Osyǧan orai, arnaiy keŋes qūryldy, oǧan bır top belgılı otandyq zaŋger müşe bolyp, belsendı jūmys jürgızdı. Şetelden şaqyrylǧan sarapşylar da osy maŋyzdy ıske atsalysty. Ata zaŋymyzdyŋ jobasyn talqylauǧa milliondaǧan azamat qatysty, myŋdaǧan ūsynys kelıp tüstı. Konstitusiia turaly aitqanda, tūŋǧyş Prezident Nūrsūltan Äbışūly Nazarbaevtyŋ tabandy eŋbegıne ädıl baǧa beru qajet. Ol Konstitusiia qabyldanǧan kezde Memleket basşysy retınde şeşuşı röl atqardy", dedı Memleket basşysy
Osylaişa, 1995 jyly 30 tamyzda Täuelsızdık tölqūjaty, iaǧni, Konstitusiia qabyldandy.
"Elımızdıŋ basty zaŋyna "Bız, ortaq tarihi taǧdyr bırıktırgen Qazaqstan halqy..." degen sözder jazyldy. Konstitusiiamyz Täuelsızdıgımızdı nyǧaituǧa zor yqpalyn tigızdı, elımızdıŋ odan ärı damuyna daŋǧyl jol aşty. Qazaqstan derbes memleket retınde älem qauymdastyǧynyŋ beldı müşesı atandy. Ärine, uaqyt bır orynda tūrmaidy. Otyz jylda türlı sebepke bailanysty Ata zaŋǧa 6 ret tüzetu engızıldı. Bıraq eŋ basty konstitusiialyq özgerıs osydan üş jyl būryn jasaldy dep aitsaq, oryndy bolar. Konstitusiialyq reformanyŋ arqasynda elımızdıŋ saiasi-qūqyqtyq jüiesı tübegeilı jaŋa sipatqa ie boldy. Sol kezde Konstitusiiaǧa tüzetulerdı Parlament arqyly ötkızu kerek degen ūsynys keŋınen aityldy. Bıraq kürdelı bolsa da, basqa joldy taŋdau jönınde şeşım qabyldandy. El bolaşaǧyna tıkelei äser etetın asa maŋyzdy şeşımderdı tek qana referendum arqyly qabyldau qajet degen ūstanymdy mındettı türde saqtau kerek dep ūiǧardym",- dedı memleket basşysy.
