Maiqūdyq saiabaǧy Konstitusiia künıne orailastyrylǧan «Ata Zaŋǧa 30 jyl: Täuelsız memlekettıŋ berık tūǧyry» atty auqymdy oblystyq patriottar forumynyŋ basty alaŋyna ainaldy.
Jiyrma myŋnan astam adam bükıl el üşın maŋyzdy kündı atap ötuge jinaldy.
Qaraǧandylyqtardy oblys äkımı Ermaǧanbet Bölekpaev qūttyqtady.
Ol Konstitusiia täuelsızdıktıŋ berık ırgetasy jäne ärbır azamattyŋ qūqyqtary men bostandyqtarynyŋ kepılı bolyp tabylatynyn, eldıŋ damuy zaŋdylyq, qūqyqtyq tärtıp jäne tūraqtylyq qaǧidattaryn saqtamai mümkın emestıgın atap öttı.
– Qūrmettı qaraǧandylyqtar, Konstitusiianyŋ 30 jyldyǧy – elımızdıŋ ärbır azamaty üşın aituly mereke. Būl bızdıŋ ärqaisymyzdy qorǧaityn, erteŋgı künge senımdılık beretın jäne damuǧa jol aşatyn zaŋ, – deidı Ermaǧanbet Bölekpaev. – Konstitusiianyŋ basty qūndylyǧy – adam, onyŋ qūqyqtary men bostandyqtary. Bızdıŋ Konstitusiia eldegı beibıtşılık, tūraqtylyq pen damudyŋ negızıne ainaldy. Eŋ bastysy, ol bızdıŋ qoǧamdaǧy Zaŋ men Tärtıptıŋ basymdyǧyn bekıttı. Prezidentımız aitqandai, Konstitusiianyŋ myzǧymas qūndylyqtaryna süiene otyryp, bız ädıl Qazaqstandy – barşaǧa bırdei mümkındıkter memleketın salamyz.
Forumda Polisiia departamentı men «Ortalyq» öŋırlık qolbasşylyǧy qyzmetkerlerı marapattaldy.
Üzdık uchaskelık inspektorlar oblys äkımınıŋ ekı million teŋge kölemındegı syilyǧyna ie boldy.
Olardyŋ barlyǧy käsıbi baiqaudyŋ jeŋımpazdary.
– Organdarda 2010 jyldan berı jūmys ıstep kelemın. Men polisiiada bırneşe buyn qyzmet atqarǧan äulet ökılımın. Atam ışkı ıster organdarynyŋ ardagerı. Basqa da tuystarym da osy jüiede jūmys ısteidı. Menıŋ äkımşılık uchaskemde bır jarym myŋǧa juyq adam tūrady. Negızınen barlyǧy adal azamattar. Men «Käsıbımnıŋ üzdıgı» baiqauyna qatysyp, tūrǧyndar maǧan dauys berdı, – dedı Nūra audandyq polisiia bölımınıŋ uchaskelık inspektory Darhan Jaŋabylov.
Oblys äkımınıŋ bılım granttaryna mektep tülekterı ie boldy.
– Men ötken jyly mekteptı bıtırdım, al biyl QarŪU-ǧa, arnaiy pedagogika fakultetıne tüstım. Oblys äkımınıŋ bılım grantyna ie boldym, – deidı Kamilla Miller. – Maǧan osyndai mümkındık berılgenıne öte quanyştymyn. Käsıbi ömırımdı pedagogikamen bailanystyrǧym keledı. Men balalardy jaqsy köremın jäne olarmen jūmys ıstegım keledı.
Memlekettık qyzmet ardagerı Ǧabit Tūiaqov vedomstvolyq nagradamen marapattaldy.
Al jūmysqa alǧaş qabyldanǧan jas memlekettık qyzmetkerler ant qabyldady. Būl ūrpaqtar sabaqtastyǧynyŋ simvolyna ainaldy jäne jas mamandardyŋ zaŋ men adaldyq negızınde memleketke qyzmet etuge daiyndyǧyn rastady.
Qaraǧandylyqtar men qala qonaqtary üşın saiabaqta tegın qūqyqtyq keŋester järmeŋkesı ūiymdastyryldy. Ädılet, ekonomikalyq tergeu, tötenşe jaǧdailar departamentterınıŋ, sondai-aq öŋırdıŋ jetekşı joǧary oqu oryndarynyŋ mamandary zaŋnama, äleumettık kepıldıkter, qūjattardy resımdeu, azamattardyŋ qūqyqtary men mındetterın qorǧau mäselelerıne kömek körsettı.
Merekelık köŋıl küi üşın jergılıktı ärtıster men aty aŋyzǧa ainalǧan qazaqstandyq «MuzART» toby öner körsettı.
