Endı Qytaida Qazaqstannyŋ mädeni ortalyǧy bar. Bügın Memleket basşysy Qasym-Jomart Toqaevtyŋ resmi sapary aiasynda aşylu saltanaty öttı.
Endı Qytaida Qazaqstannyŋ öz mädeni ortalyǧy jūmys ısteidı. Beijıŋnıŋ qaq ortasyndaǧy Chaoian degen audanda ornalasqan. Būl öte qolaily jer. Būl – Qazaqstannyŋ şetelde aşylǧan alǧaşqy mädeni ortalyǧy.
Joba Qasym-Jomart Toqaev pen Si Szinpin ekı elge teŋdei mädeni ortalyqtaryn qūru turaly kelısımınıŋ nätijesınde jüzege asty. Būl körşıles elder arasyndaǧy mädeniet pen öner salasyndaǧy ortaq müdde men tyǧyz bailanysty bıldıredı. Ortalyqtyŋ jūmys jüiesı, maqsaty bır. Ol qazaqtyŋ mädenietı men tarihyn, tılı men önerın, dästürın tūraqty türde nasihattalatyn oryn bolady. Ortalyqtyŋ jalpy aumaǧy 620 şarşy metr. Būl kez kelgen ıs-şarany joǧary deŋgeide ötkızuge jetkılıktı. Işınde kıtaphana, konsert, ärtürlı taqyrypta leksiialar ötkızuge mümkındık bar. Qazaq tılı men muzyka üiretu arnaiy kabinetterı bar. Sonymen qatar elımızdıŋ turistık äleuetı de osy jerde tanystyrylady. Būdan bölek, körme zaly bolady. Onda 100-den astam tarihi-mädeni jädıgerler qoiylady. Saqtar kezeŋı, Esık pen Berel qorǧandary jäne elımızdıŋ özge de aimaqtarynan tabylǧan jädıgerler qoiylǧan. Sondai-aq muzykalyq aspaptar, ūlttyq qyz-kelınşekterdıŋ äşekei būiymdary, sandyq, astau, syrmaq, qūraq körpeşeler siiaqty tūrmystyq zattar körsetıledı.
- Būl jerde eŋ maŋyzdysy, osy ortalyqtyŋ jūmysynyŋ şeŋberınde myna bızdıŋ jaŋaǧy ūlttyq aspaptarymyzdyŋ, eŋ basty dombyramyzdyŋ, dombyramyzdy üiretuge klass aşylady. Ekınşıden, qazaq tılın üiretuge klass aşylady. Būl endı menıŋ oiymşa, ülken mümkındık. Öitkenı mynau Qytaida qazaq tılın üirenem, qazaqtyŋ dombyrasyn üirenem degenderge bız jaŋaǧy ülken mümkındıkter berıp otyrmyz. Mıne, özıŋız körıp otyrsyz, kelıp-ketıp jatqan adamdardyŋ barlyǧy qaşan aşylady, qaşan tanysa alamyz dep sūraqtaryn qoiyp jatyr. Sūranys öte joǧary, qyzyǧuşylyq bar. Sondyqtan menıŋ oiymşa, būl da bolsa bızdıŋ jaŋaǧy elımızdıŋ şetelde mädenietınımzdı tanystyruǧa, mädenietımızdı jandandyruǧa ülken jol aşady, - dedı QR Mädeniet jäne aqparat ministrı Aida Balaeva
