Qazaqstan bilıgı «Aziia Avto – Bipek Avto» kompaniialar tobynyŋ būrynǧy basşylary Anatolii Baluşkin men Erık Saǧymbaevty Reseiden ekstradisiialau boiynşa äzırge nätije şyǧara almady. Būrynǧy top-menedjerler bügınde Resei azamattyǧyna ie bolǧan jäne sol eldıŋ aumaǧynda jür. Būl turaly Bas prokuratura mälımdedı, dep habarlaidy «Adyrna» Tengrinews.kz-ke sıltep.
Vedomstvonyŋ aituynşa, şetelde jürgen öz azamattaryna qatysty şetel sottarynyŋ ükımın tanu men oryndau mäselesı 2002 jylǧy qūqyqtyq kömek turaly konvensiiamen retteledı.
Qazaqstan Bas prokuraturasy Reseige Baluşkin men Saǧymbaevqa qatysty Qazaqstan sotynyŋ ükımın tanu jäne oryndau turaly bırneşe ret resmi ötınış joldaǧan. Alaida Resei Ädılet ministrlıgı ötınışterdı qanaǧattandyrmaǧan.
Mūnyŋ sebebı – Resei Federasiiasy atalǧan konvensiiany ratifikasiialau kezınde 109-bapty qoldanbau qūqyǧyn qaldyrǧan. Būl bap el azamattaryna qatysty şetel sot ükımderın oryndaudy mındettemeidı.
Bas prokuratura ekeuınıŋ de halyqaralyq ızdeuden alynbaǧanyn atap öttı.
«Olar basqa memleket aumaǧynda anyqtalǧan nemese ūstalǧan jaǧdaida, ekstradisiialau jönındegı jūmys jalǧasady», – dedı vedomstvo.
Sonymen bırge, olardyŋ Resei azamattyǧyn alǧannan keiın Qazaqstan azamattyǧynan aiyrylǧany naqtylandy.
2025 jylǧy säuırde rezonansty ıs boiynşa sot ükımı şyqqan bolatyn. Anatolii Baluşkin asa ırı kölemdegı alaiaqtyq boiynşa kınälı dep tanylyp, 9 jylǧa sottaldy. Al Erık Saǧymbaev alaiaqtyq jäne salyqtan jaltaru baptary boiynşa 8 jyl 6 aiǧa bas bostandyǧynan aiyrylǧan.
Ekı biznesmen de sot ükımderı şyqqan kezde Qazaqstannan tys jerde bolǧan, sondyqtan syrttai sottalǧan.
