Özbekstannyŋ syrtqy ıster ministrlıgı Reseige Mäskeu oblysy Himki qalasynda bolǧan oqiǧaǧa bailanysty resmi nota joldady, dep habarlaidy "Adyrna" ūlttyq portaly.
Onda reseilık adamnyŋ Özbekstan azamatyn qorlaǧany aitylyp, er adamnyŋ jeke basyn anyqtap, oǧan zaŋǧa säikes şara qoldanu sūralǧan.
Özbekstan SIM baspasöz hatşysy Ahror Burhanovtyŋ aituynşa, özbek tarapy mūndai jaǧdailardy BAQ pen äleumettık jelılerden qadaǧalap, qajet bolǧan jaǧdaida şeteldıŋ qūzyrly organdarymen bailanys ornatady.
Tamyz aiynda ülken qoǧamdyq rezonans tudyrǧan osy oqiǧaǧa bailanysty tekseru bastalǧan.
Burhanov Özbekstan azamattarynyŋ memleket qorǧauynda ekenın, olardyŋ qai jerde jürgenıne qaramastan qūqyqtary qorǧalatynyn atap öttı.
Oqiǧanyŋ videosy 27 tamyzda jariialanǧan. Onda er adam taksistke aiqailap, ony balaǧattap, «orystardyŋ qūly» dep ataǧany körınedı. Taksist sabyr saqtap, qorlaudy toqtatudy sūraǧannan keiın kölıgıne otyryp ketken.
Kuägerlerdıŋ aituynşa, janjal taksidıŋ qoqys kölıgın kütıp, aulanyŋ kıreberısın jauyp tūrǧan kezde tuyndaǧan.
