Biyl mamyr aiynda Memleket basşysy Aqordada ötken jiynda Bas prokuraturaǧa tärtıp saqşylarynyŋ «qiialynan tuǧan» qylmystyq ısterdı toqtatudy tapsyrdy. Äitse de būl ürdıs özgere qoimaǧanǧa ūqsaidy.
Bügınde qylmystyq qudalau orbitasyna būrynǧydai qarapaiym azamattar ǧana emes, atqaruşy bilık organdarynyŋ lauazymdy tūlǧalary da köptep tartylyp jür.
Mäselen, ötken jyldyŋ 10 jeltoqsanynda Antikor Atyrau qalasyndaǧy Abai eskertkışın ornatu boiynşa memlekettık satyp alu şartyn jasaǧany üşın JŞS basşysynan para aldy degen küdıkpen Hamenova Baqytgüldı (Atyrau oblysy äkımınıŋ orynbasary, qazır qamauda) ūstady.
Negızı para alu belgılı bır mäsele tiımdı şeşılu üşın lauazymdy adamǧa berılgen aqşa, baǧaly qaǧaz, basqa da mülık nemese mülıktık qūqyq bolyp sanalady.
Alaida tergeu materialdaryn zerttei kele anyqtalǧany - QR Mädeniet jäne sport ministrlıgı janyndaǧy Arnaiy komissiianyŋ şeşımımen eskertkış ornatuşy 2019 jyly qaraşada, iaǧni B.Hamenovanyŋ oblys äkımı orynbasary qyzmetıne kelerınen 5 ai būryn bekıtılgen.
Arnaiy komissiianyŋ däl osy şeşımı eskertkış nūsqasynyŋ avtorymen Memlekettık satyp alu şartyn jasasuǧa negız bolady. Basqaşa aitqanda, äkımdıktıŋ Arnaiy komissiia şeşımımen konkurs jeŋımpazy dep tanylǧan eskertkış avtory qyzmetın satyp aludan basqa taŋdauy bolmaidy.
Būl şeşım qaita qarauǧa jatpaityndyqtan, Atyrau qalasynyŋ äkımdıgı eskertkıştı daiyndau jäne jetkızu üşın JŞS-men kelısım-şart jasasqan. Sondyqtan būl kelısım-şarttyŋ jasaluyna sol kezde Mäjılıs deputaty lauazymyndaǧy B.Hamenovanyŋ müldem qatysy joq jäne ol JŞS-men jasyryn bailanys jasai almaidy da, sebebı eskertkış ornatuǧa qatysty barlyq jauapkerşılık Atyrau qalasy äkımdıgıne jüktelgen.
Hamenovaǧa taǧylǧan aiyptyŋ kümändılıgın jäne naqty aiǧaqtyŋ joq ekenın eskergen sot ony tergeu merzımınde qamauǧa aludan negızdı türde bas tartyp, būltartpau şarasynyŋ neǧūrlym qataŋ emes türımen şekteldı. Sondai-aq Hamenova men onyŋ tuystarynyŋ ıstı tolyq ärı obektivtı qarastyruǧa kedergı keltıretınıne naqty dälelderdıŋ bolmauy da qaperge alyndy.
Būl şeşım jariialanǧannan keiın sotqa syrttan qysym körsetılıp, Hamenovany kez kelgen ädıspen qamauǧa alu tapsyryldy jäne ol bırneşe künnen keiın mültıksız oryndaldy.
Uaqytşa ūstau izoliatoryna ornalastyruǧa zaŋdy negız bolmasa da, sot «B.Hamenova öz kınäsın moiyndamady jäne sonymen qatar tanystary arqyly kuägerlerge qysym körsetıp, jalǧan aqparat taratuy mümkın» degen jeleumen temır torǧa toǧytty.
Alaida sot eşkımnıŋ kınäsızdıgın däleldeuge mındettı emestıgın, onyŋ pıkırın jariialaudy şekteu diktatorlyq rejimge aparatyn töte jol ekenın eskermedı.
Bügın Hamenovanyŋ ısın qarau prosesı bastaldy. Jaŋa Qazaqstanda eŋ bolmaǧanda sot Antikor men prokuraturanyŋ ädıletsız şeşımderın qoldamaitynyna şyn sengımız keledı.
B. Hamenovanyŋ aiyptau aktısımen tanystyrylmauyna bailanysty sot otyrysy 11 tamyzǧa şegerıldı.
Nūrbek ALDABERGENOV
REDAKSİIаDAN: Būl redaksiiamyzǧa joldanǧan oqyrman haty. Redaksiianyŋ ūstanymy avtordyŋ közqarasymen säikes kelmeuı mümkın.
