Qazaqstan Respublikasy Tötenşe jaǧdailar ministrlıgınıŋ 30 jyldyǧyna orai elımızdıŋ barlyq öŋırlerınde «30 igı ıs» qaiyrymdylyq aksiiasy keŋ kölemde jüzege asyryluda. Osy bastamanyŋ maŋyzdy ärı ızgı kezeŋderınıŋ bırı – TJM qūtqaruşylary men äskeri qyzmetşılerınıŋ qatysuymen ötken erıktı qan tapsyru aksiiasy boldy.
Almaty TJD qyzmetkerlerı «Bır tamşy qan — bır ömır» qaiyrymdylyq aksiiasyna qatysty. «Qamqor» qoǧamdyq qorymen bırlesıp ūiymdastyrylǧan aksiia barysynda 50 qyzmetker öz erkımen qan tapsyrdy. Ömırdı qūtqaru — TJM qyzmetkerlerı üşın abyroily mındet, al bügın olar būl igı ıstı qyzmetten tys uaqytta, jürek qalauymen atqardy.
Batys Qazaqstan oblysy TJD qyzmetkerlerı käsıbi jäne azamattyq boryştaryn atqaryp, qan tapsyru arqyly bır tamşy qannyŋ özı myŋdaǧan adamnyŋ ömırın saqtap qaluǧa mümkındık beretının körsettı. Donor bolu – tek meiırımdılık äreketı ǧana emes, sondai-aq joǧary deŋgeidegı äleumettık jauapkerşılık.
Al Qyzylorda oblysy TJD qūtqaruşylary «Donor bol, ömır syila!» atty aksiia ūiymdastyryp, qan qoryn tolyqtyru arqyly mūqtaj jandarǧa kömek körsetuge üles qosty. Is-şara qatysuşylary qant deŋgeiın, gemoglobin körsetkışın anyqtau jäne aurulardyŋ bar-joǧyn tekseru siiaqty tolyqtai medisinalyq tekseruden öttı. Osydan keiın ǧana äleuettı donorlar qan tapsyruǧa jıberıldı.
Eset batyr Kökıūly atyndaǧy 20982 äskeri bölımınıŋ äskeri qyzmetşılerı de būl igı ıske belsendı atsalysty. Olar öz erıkterımen donor atanyp, qoǧamǧa naqty ülgı körsettı. Olardyŋ aituynşa, qan tapsyru – ärbır azamattyŋ öz halqy aldyndaǧy jauapkerşılıgın bıldıretın maŋyzdy qadam.
Qazaqstan Respublikasy Tötenşe jaǧdailar ministrlıgı atalmyş aksiiaǧa atsalysqan barlyq qyzmetkerlerge jäne qatysuşylarǧa rizaşylyǧyn bıldıredı. Donorlyq – būl ömırdı qūtqarudyŋ joly, al oǧan barǧan ärbır jan – bızdıŋ qoǧamnyŋ adamgerşılıkke negızdelgen, bırtūtas boluyna ülken üles qosuşy.
