Astanalyq NIS-tıŋ 11 synyp oquşysy Batyrhan Mūhtarhan Grekiiada ötken halyqaralyq ekonomika olimpiadasynda (EO-2025) absoliuttı chempion atandy, dep habarlaidy “Adyrna”.
EO-2025 olimpiadasyna älemnıŋ tükpır-tükpırınen ūlttyq ırıkteuden ötken 100 myŋnan astam ümıtker qatysty. Finalda 28 elden kelgen 128 myqtylar baq synady. Olar ekonomika men qarjy salasyndaǧy eŋ kürdelı teoriialyq jäne praktikalyq tapsyrmalardy – naqty jaǧdailardy taldaudan bastap şeşımderdı modeldeuge deiın oryndady.
Batyrhan jalpy esepte bırınşı oryndy senımdı türde ielenıp, AQŞ, Kanada, Qytai, Niderlandy, Polşa, Chehiia, Grekiia jäne basqa da elderdıŋ qarsylastaryn artta qaldyrdy.
Aita keteiık, Batyrhannyŋ qorjynynda bırqatar jetıstıkter bar: Ekonomika jäne qarjy boiynşa respublikalyq olimpiadanyŋ qola jüldesı, Ekonomikadan halyqaralyq olimpiadanyŋ (IEO-2024, Gonkong) qola jüldesı, IEO-2025 (Äzerbaijan) altyn jüldesı, EFI olimpiadasyndaǧy jeŋıs (Narhoz, Qazaqstan). Kezektı – jeŋısı EO-2025 absoliuttı altyny.
"Men üşın eŋ bastysy – jaŋa närsenı üirenu, kürdelı tapsyrmalardy şeşu jäne özımdı damytu. Öz jetıstıkterımmen zamandastarymdy şabyttandyrǧym keledı", – deidı Batyrhan.
Oqu-aǧartu ministrlıgı Batyrhan Mūhtarhannyŋ jaŋa buyn ziiatkerlerınıŋ jarqyn ökılı ekenın basa atap ötedı.
"Onyŋ jetıstıkterı tek jeke jeŋıs qana emes, sonymen qatar Qazaqstannyŋ älemdık bılım beru arenasyndaǧy bedelın arttyrdy. Bız Batyrhanǧa jaŋa oqu jylynda elımızdıŋ igılıgı üşın būdan da biık şyŋdardy baǧyndyruyn tıleimız", delıngen vedomstvo habarlamasynda.
