Deputat Aidos Sarym EAEO-ǧa müşe elder arasynda qazaqstandyqtardyŋ jalaqysy baiau ösetınıne qatysty pıkır bıldırdı, dep habarlaidy "Adyrna" ūlttyq portaly.
Mäjılıste saiasattanuşy, deputat Aidos Sarymǧa EAEO müşe elder arasynda naqty jalaqy köterılgenımen, Qazaqstandaǧy ösım simvolikalyq deŋgeide qalǧanyna qatysty oiyn bılıp, sebebın sūradyq.
"JIÖ boiynşa Qazaqstan alǧaşqy oryndarǧa şyǧyp jatyr. Mäsele, şynyn aitu kerek, Qazaqstan EAEO qūrylǧan kezde müşe bolyp, tauar öndıruşılerınıŋ, Qazaqstan biznesmenderınıŋ mümkındıkterın arttyratyn kezde şorqaqtyq tanytty. Menıŋ esımde bar, 2014-2015 jyly kelıssözder jürıp jatqan kezde kışkentai Belarustıŋ özı kelıssözge 100-150 adam bolyp keletın. Qolynda qai maman bar, sonyŋ bärın delegasiiaǧa resmi qosyp baratyn. Esesıne, bızdıŋ tarap 10-15 adam bolyp baryp, kelıssözden ūtylatyn. Qazır bızdıŋ azamattar üirendı. Bızde myqty mamandar bar. Bızde jıberılgen qatelıkterdı jöndeu tūrǧysynda jūmystar jasalyp jatyr", - dep jauap berdı deputat.
Sondai-aq, deputat osy tūsta eldegı subsidiia kölemıne de nazar audardy.
"Menıŋ bıletınım, Belarustegı auyl şaruaşylyǧyna bölınetın subsidiia kölemı bızdıkınen äldeqaida joǧary. Sol sebeptı bızdıŋ sörelerımızde Belarustıŋ tauary, sütı, şūjyǧy tūr. Esesıne, ol jaqta Qazaqstannyŋ sütı, şūjyǧy tūrǧan joq. Jaqsy zaŋdar kerek. Keşendı eŋbek etetın, är kün saiyn daulasyp, ekı jyl, on jyl daulasyp bolsa da, nätijege jetetın ıs-qimyldar qajet", - dedı ol.
