Otandyq bankter qarjylyq qyzmet kórsetý kezinde múmkindigi shekteýli klıentterdi kemsitýge jol beredi. Bul týraly Qazaqstan Halyq partııasynyń depýtaty Kenjeǵul Seıitjan aıtty, dep habarlaıdy «Adyrna» tilshisi.
«Elimizde 700 myńnan astam adam turady, olardyń 400 myńnan astamy eńbekke qabiletti jastaǵy adamdar. Múgedektigi bar adamdarda plastıkalyq karta bar, olar osy arqyly aýdarym, tólem jasaıdy, járdemaqy alady. Iaǵnı qarapaıym azamattar sııaqty bank qyzmetine júginedi. Alaıda múmkindigi shekteýli jandar únemi qarjylyq kemsitýshilikke tap bolady,— dedi ol.
Májilismenniń aıtýynsha, bankte múgedektigi bar adamdar túrli kedergimen betpe-bet keledi.
«Qarjy uıymdarynyń qyzmetin ózgelermen birdeı paıdalana almaıdy. Ǵımarattarda pandýs pen kótergish joq, al kassalardyń terezeleri arbadaǵy adam úshin tym bıik. Mobıldi qosymshalar men bankomattar zaǵıp jáne nashar kóretin adamdarǵa arnalǵan tehnologııamen, al bank kartalary braılmen jasalǵan taktıldi sáıkestendirý belgisimen jabdyqtalmaǵan»,—dedi Kenjeǵul Seıithan.
