AQŞ prezidentı Donald Tramp Reseige qarsy qataŋ sanksiialar engızuge daiyn ekenın aitty, dep habarlaidy "Adyrna" ūlttyq portaly.
Būl turaly Aq üi basşysy senbı künı özınıŋ Truth Social äleumettık jelısındegı paraqşasynda jariialaǧan «prezident Donald Dj. Tramptyŋ barlyq NATO elderıne jäne bükıl älemge joldaǧan haty» atty jazbasynda aitqan.
Alaida ol sanksiia üşın ekı şart qoiyp otyr. Barlyq NATO elderı Vaşingtonnyŋ qadamyn qoldap, däl sondai şara qoldanuy kerek. Sondai-aq, Resei mūnaiyn satyp aludy toqtatuy qajet,
Tramptyŋ aituynşa, keibır elderdıŋ Mäskeuden mūnai satyp aluy Reseige qysymdy älsıretıp otyr.
«Men äreket etuge daiynmyn, sender daiyn bolsaŋdar boldy. Maǧan qaşan ekenın aityŋdar», – dedı AQŞ basşysy.
Sondai-aq ol top bolyp Qytaidan keletın tauarlarǧa 50–100 paiyzdyq kedendık baj salyǧyn engızudı ūsyndy. Būl şara Reseige qatysty Beijıŋnıŋ yqpalyn älsıretedı dep atap öttı.
Tramp qazırgı qaqtyǧysty özınıŋ emes, «Baiden men Zelenskiidıŋ soǧysy» dep atap, ony toqtatudyŋ basty maqsaty – myŋdaǧan reseilık pen ukraindyqtyŋ ömırın saqtap qalu ekenın jetkızdı.
Būǧan deiın ol Resei prezidentı Vladimir Putinge qatysty sabyry tausylyp bara jatqanyn aityp, Mäskeu men Kiev kelıssözderge daiyn bolmai otyrǧanyna ökınış bıldırgen edı.
