Qazaqstan men Germanııa basshylary buqaralyq aqparat quraldary ókilderiniń suraqtaryna jaýap berdi. Bul týraly Aqorda málimdedi, dep habarlaıdy “Adyrna”.
Memleket basshysyna Qazaqstannyń Reseımen qarym-qatynasy jóninde, Ýkraına tóńiregindegi qaqtyǵystarǵa qatysty jáne sankııalardy saqtaý týraly suraqtar qoıyldy.
“Shyn máninde, Qazaqstan men Reseıdiń arasyn álemdegi eń uzyn qurlyqtyq shekara bólip jatyr. Elderimiz arasynda saýda, gýmanıtarlyq baılanystar boıynsha dástúrli yntymaqtastyq ornaǵan. 2013 jyly eki el Odaqtastyq qarym-qatynas týraly shartqa qol qoıdy. Ýkraınadaǵy qaqtyǵysqa keler bolsaq, Qazaqstan áskerı is-qımyldardyń tez arada toqtatylýyn jáne BUU Jarǵysy negizinde beıbit kelissóz júrgizilýin jaqtaıdy. Men búgin qurmetti Kanler myrzaǵa jaǵdaıdyń shyn máninde óte kúrdeli ekenin aıttym. Reseı de, Ýkraına da kelissóz júrgizýge daıyn ekenin rastaıdy. Alaıda kelissózdiń qandaı alańda júrgiziletini ázirshe belgisiz. Sondyqtan parasatty, salmaqty, salıqaly dıplomatııanyń kezeńi týady dep oılaımyn”, - dedi Prezıdent.
Odan bólek, Toqaev eki el birin-biri aıyptaýdy doǵaryp, eki jaqqa da tıimdi kelissózdiń jolyn tabýy keregin aıtty.
“Qazaqstan Ýkraına qaqtyǵysyn sheshýdiń qandaı da bir joldaryn usynyp jatqan ózge elder men memleketter tobynyń kúsh-jigerin qoldaıdy. Biz óz tarapymyzdan barlyq qajetti sharany qabyldaımyz. Al Qazaqstan men Reseıdiń shekarasyna keler bolsaq, oǵan delımıtaııa jasalyp, aıtarlyqtaı deńgeıde demarkaııalandy. Ony eki el parlamentteri naqtylap, tıisti qujatty ratıfıkaııalady. Sondyqtan Reseımen arada qandaı da bir terrıtorııalyq daý joq. Qazaqstan men Reseı ekijaqty deńgeıde jáne tıisti ıntegraııalyq birlestikter aıasynda turaqty dostyq qarym-qatynas ornatqan. Sankııany aınalyp ótý máselesine keler bolsaq, Qazaqstan sankııa rejımin múltiksiz saqtaıtynyn málimdedi. Biz sankııa rejımin saqtaý jóninde tıisti uıymdarmen udaıy baılanystamyz. Germanııa tarapynyń sankııa rejımin aınalyp ótý yqtımaldyǵyna qatysty eshqandaı kúmáni bolmaýǵa tıis dep oılaımyn”, – dedi Qasym-Jomart Toqaev.
