Qazaqstan men Germaniia basşylary būqaralyq aqparat qūraldary ökılderınıŋ sūraqtaryna jauap berdı. Būl turaly Aqorda mälımdedı, dep habarlaidy “Adyrna”.
Memleket basşysyna Qazaqstannyŋ Reseimen qarym-qatynasy jönınde, Ukraina töŋıregındegı qaqtyǧystarǧa qatysty jäne sanksiialardy saqtau turaly sūraqtar qoiyldy.
“Şyn mänınde, Qazaqstan men Reseidıŋ arasyn älemdegı eŋ ūzyn qūrlyqtyq şekara bölıp jatyr. Elderımız arasynda sauda, gumanitarlyq bailanystar boiynşa dästürlı yntymaqtastyq ornaǧan. 2013 jyly ekı el Odaqtastyq qarym-qatynas turaly şartqa qol qoidy. Ukrainadaǧy qaqtyǧysqa keler bolsaq, Qazaqstan äskeri ıs-qimyldardyŋ tez arada toqtatyluyn jäne BŪŪ Jarǧysy negızınde beibıt kelıssöz jürgızıluın jaqtaidy. Men bügın qūrmettı Kansler myrzaǧa jaǧdaidyŋ şyn mänınde öte kürdelı ekenın aittym. Resei de, Ukraina da kelıssöz jürgızuge daiyn ekenın rastaidy. Alaida kelıssözdıŋ qandai alaŋda jürgızıletını äzırşe belgısız. Sondyqtan parasatty, salmaqty, saliqaly diplomatiianyŋ kezeŋı tuady dep oilaimyn”, - dedı Prezident.Odan bölek, Toqaev ekı el bırın-bırı aiyptaudy doǧaryp, ekı jaqqa da tiımdı kelıssözdıŋ jolyn tabuy keregın aitty.
“Qazaqstan Ukraina qaqtyǧysyn şeşudıŋ qandai da bır joldaryn ūsynyp jatqan özge elder men memleketter tobynyŋ küş-jıgerın qoldaidy. Bız öz tarapymyzdan barlyq qajettı şarany qabyldaimyz. Al Qazaqstan men Reseidıŋ şekarasyna keler bolsaq, oǧan delimitasiia jasalyp, aitarlyqtai deŋgeide demarkasiialandy. Ony ekı el parlamentterı naqtylap, tiıstı qūjatty ratifikasiialady. Sondyqtan Reseimen arada qandai da bır territoriialyq dau joq. Qazaqstan men Resei ekıjaqty deŋgeide jäne tiıstı integrasiialyq bırlestıkter aiasynda tūraqty dostyq qarym-qatynas ornatqan. Sanksiiany ainalyp ötu mäselesıne keler bolsaq, Qazaqstan sanksiia rejimın mültıksız saqtaitynyn mälımdedı. Bız sankiia rejimın saqtau jönınde tiıstı ūiymdarmen ūdaiy bailanystamyz. Germaniia tarapynyŋ sanksiia rejimın ainalyp ötu yqtimaldyǧyna qatysty eşqandai kümänı bolmauǧa tiıs dep oilaimyn”, – dedı Qasym-Jomart Toqaev.
Ūqsas jaŋalyqtar
