Qazaqstan Prezidentı Qasym-Jomart Toqaev bügın To Lamǧa Vetnam Sosialistık Respublikasynyŋ Prezidentı bolyp sailanuyna orai qūttyqtau jedelhatyn joldady. Būl turaly Aqorda jariialady, dep habarlaidy “Adyrna” ūlttyq portaly.
Memleket basşysy Vetnam prezidentınıŋ aldaǧy barlyq bastamasyna tabys, al dostas vetnam halqyna baq-bereke tıledı.
«Sız osy lauazymda qyzmet etken kezeŋde ǧajap elıŋız odan ärı güldenıp, üilesımdı jäne ornyqty qoǧam qūru jolynda tūraqty dami beretınıne senımdımın. Qazaqstan men Vetnamdy özara senım men ortaq müddege negızdelgen tyǧyz qarym-qatynastar bailanystyrady. Elderımızdıŋ müddesı jolyndaǧy köpqyrly yqpaldastyqty örkendetu üşın jaŋa mümkındıkterdı Sızben bırlesıp paidalanuǧa daiynmyn», – dep jazylǧan jedelhatta.
Osyǧan deiın Vetnamnyŋ Ūlttyq jinalysy (bır palataly parlament) särsenbı künı Vetnam Kommunistık partiiasy Ortalyq Komitetı Saiasi biurosynyŋ müşesı To Lamdy eldıŋ jaŋa prezidentı etıp sailaǧan bolatyn.
Ūqsas jaŋalyqtar
