Reseidıŋ bidai önımın qazaqstandyq önım retınde eksporttau deregı anyqtaldy. Reseidık önımnıŋ saudasyn jasau jolynda jalǧan kelısım-şart daiyndap, zaŋdy būzǧan taraptardy QR Qarjylyq monitoring agenttıgı, Pavlodar oblysy boiynşa Departamentı anyqtady, dep habarlaidy "Adyrna" ūlttyq portaly.
Monitoring barysynda anyqtalǧan "köpes" azamat 2021-2022 jyldar aralyǧynda 26 myŋ tonna reseilık bidaidy Ortalyq Aziia elderıne (Auǧanstan, Täjıkstan, Özbekstan) qazaqstandyq önım dep jazylǧan jalǧan şot-fakturalar boiynşa satqan. Naqtyraq aitqanda, reseilık bidai önımın 1 mlrd teŋgeden astam somaǧa eksporttaǧan. Osylaişa, jalpy somasy 460 mln teŋgenı qūraityn halyqaralyq tranzittık tarif boiynşa tasymaldau tölemderın töleuden jaltaryp, "ekı asap bige şyqqan".
Qazırgı uaqytta sotqa deiıngı tergeu aiaqtaldy.
QR QPK 201-babynyŋ talaptaryna säikes tergeu mälımetterı jariia etıluge jatpaidy.
Qazırgı uaqytta departament ökılderı auyl şaruaşylyǧy tauar öndıruşılerdıŋ müddesın qorǧau maqsatynda bırqatar ıs-şaralar qolǧa alynǧanyn habarlady. Bidai ötkızuge bailanysty jalǧan şot-fakturalardy zaŋsyz berudıŋ jolyn kesu boiynşa jüielı jūmystar jürgızılıp jatqany aityldy.
Tek soŋǧy bır jarym jylda Pavlodar oblysynda 5,4 mlrd teŋgeden astam somaǧa jalǧan şot-fakturalardy bergenı üşın 5 tūlǧa qylmystyq jauapkerşılıkke tartyldy, - dep mälımdedı QR QMA Baspasöz qyzmetı.
"Adyrna" ūlttyq portaly
Ūqsas jaŋalyqtar
