İzraildıŋ äsıre oŋşyl ministrı İtamar Ben-Gvirge Fransiia aumaǧyna kıruge tyiym salyndy. Būl şekteu senbıden bastap küşıne enedı. Būl turaly X äleumettık jelısınde Fransiia syrtqy ıster ministrı Jan-Noel Barro mälımdedı, dep habarlaidy «Adyrna» tılşısı.
«Mūndai şeşım onyŋ Global Sumud flotiliiasyna qatysqan fransuz jäne europalyq azamattarǧa qatysty jol beruge bolmaityn äreketterıne bailanysty qabyldandy», – dep jazdy ministr.
Äleumettık jelılerde jariialanǧan videoda İzrail premer-ministrı Biniamin Netaniahu ükımetındegı ūlttyq qauıpsızdık ministrı Ben-Gvir İzrail äskeri küşterı ūstaǧannan keiın qoldary bailanyp, tızerletılgen palestinany qoldauşy belsendılerdıŋ arasynda jürgenı körınedı. Qorlau sipatyndaǧy qoiylym retınde baǧalanǧan būl körınıs halyqaralyq deŋgeide jäne İzrail būqaralyq aqparat qūraldarynda qatty synǧa ūşyrady. Köpşılık būl kadrlar eldıŋ bedelıne nūqsan keltıredı dep eseptedı.
İzrail premer-ministrı de saiasi odaqtasyn aşyq türde synǧa alyp, būl äreket evrei memleketınıŋ «qūndylyqtaryna sai kelmeitının» mälımdedı. Alaida ol Ben-Gvirdı ükımet qūramynan şyǧarǧan joq.
Jan-Noel Barronyŋ aituynşa, fransuz diplomatiiasy «eşqandai naqty paida äkelmeitın» būl flotiliianyŋ äreketın qūptamaǧan, sebebı ol tek konsuldyq qyzmetterdıŋ jūmysyn qiyndatqan.
Fransiia syrtqy ıster ministrınıŋ sözınşe, izraildık ministrdıŋ äreketı «palestinalyqtarǧa qarsy öşpendılık pen zorlyq-zombylyqqa ündeitın şuly mälımdemeler men äreketterdıŋ jalǧasyna ainaldy». Sondai-aq Parij Rimnıŋ ülgısımen Briusselden İtamar Ben-Gvirge qarsy sanksiia engızudı sūrap otyr.
Ministrlık mälımetınşe, Gazaǧa baǧyt alǧan flotiliia qūramyndaǧy Fransiianyŋ 37 azamatyn İzrail äskerı ūstap, keiın elden şyǧaryp jıbergen. Olar Ystanbūl arqyly öz elderıne qaitarylǧan.
Qazırgı mälımet boiynşa, Global Sumud flotiliiasynyŋ jekelegen qatysuşylary men ūiym atynan sotqa talap-aryzdar daiyndalyp jatyr.
