Äliia Bekmaǧambetova Qostanai oblysy äkımdıgınıŋ Qoǧamdyq damu basqarmasynyŋ basşysy lauazymyna taǧaiyndaldy. Būl turaly 17 qyrküiekte oblys äkımdıgınıŋ baspasöz qyzmetı jazdy, dep habarlaidy «Adyrna» tılşısı.
«Qostanai oblysy äkımınıŋ ökımımen jäne Qazaqstan Respublikasy Prezidentı Äkımşılıgınıŋ kelısımı boiynşa Äliia Moldabaiqyzy Bekmaǧambetova Qostanai oblysy äkımdıgınıŋ Qoǧamdyq damu basqarmasynyŋ basşysy lauazymyna taǧaiyndaldy»,—delıngen habarlamada.
Äliia Moldabaiqyzy 1979 jyly Qostanai oblysynda düniege kelgen.
Qostanai gumanitarlyq institutyn «Qazaq tılı men ädebietı mūǧalımı» mamandyǧy boiynşa, sondai-aq A. Baitūrsynov atyndaǧy Qostanai öŋırlık universitetın «Qūqyq bakalavry» mamandyǧy boiynşa bıtırgen.
Eŋbek jolyn Äliia Moldabaiqyzy 2000 jyly tarih pänınıŋ mūǧalımı ärı oqu bölımınıŋ meŋgeruşısı qyzmetınen bastaǧan.
2009–2022 jyldar aralyǧynda Saryköl audandyq äkımdıgınde bırqatar basşylyq lauazymda qyzmet atqardy: mädeniet jäne tılderdı damytu bölımınıŋ basşysy, audan äkımı apparatynyŋ basşysy, audan äkımınıŋ orynbasary.
2022–2023 jyldary Qostanai oblysy äkımı apparatynyŋ ūiymdastyru-inspektorlyq bölımın basqarǧan.
2023 jylǧy mamyr aiynan 2025 jylǧy qyrküiek aiyna deiın Saryköl audany äkımınıŋ orynbasary lauazymynda boldy.
«Adyrna» ūlttyq portaly Äliia Moldabaiqyzyn jaŋa qyzmetke taǧaiyndaluymen qūttyqtap, şyǧarmaşylyq tabys tıleidı!
