Almatyda qalany sanitarlyq tazalaudyŋ jaŋa jüiesı engızılude. Endı är audanǧa bır merdıger bekıtıledı. Ol köşelerdıŋ, trotuarlardyŋ, aryqtardyŋ, aialdamalardyŋ jäne jasyl aimaqtardyŋ tazalyǧyna tolyq jauap beredı. Būl turaly Almaty äkımınıŋ orynbasary Almashan Smatlaev Öŋırlık kommunikasiialar qyzmetınde ötken brifingte mälımdedı.
Kommunaldyq qyzmetkerler sany ekı esege artyp, 3175 adamǧa jettı. Jalaqy 170 myŋ teŋgeden 350 myŋ teŋgege deiın köterıldı. Täulık boiy üş auysymdyq jūmys kestesı engızıldı, 300-den astam jaŋa tehnika alynyp jatyr.
«Būryn bır köşede bırneşe kompaniia qatar jūmys ıstep, tüsınıspeuşılık tuyndaityn. Endı «qasbetten qasbetke deiın» qaǧidatynyŋ engızıluı tärtıp pen üilesımdılıktı joǧarylatady», – dedı Almashan Smatlaev.
Tekserısterdıŋ nätijesı boiynşa äkımdık tek qajettı resurstary bar bes merdıgermen ǧana jūmysyn jalǧastyrady. Qalǧandary auystyrylady. Mūndai täsıl qalanyŋ sanitarlyq jaǧdaiyn edäuır jaqsartyp, tūrǧyndar üşın qolaily orta qalyptastyruǧa mümkındık beredı.
