Qazaqstan prokatyndaǧy jaŋa köşbasşy – rejissior Duman Erkımbektıŋ debiuttık tolyqmetrajdy filmı «QAITADAN» üş apta ışınde 1 mlrd teŋgeden astam tabys jinap, otandyq kinoprokatta köş bastady. Ärı kino öndırısıne jūmsalǧan memleket qarajatyn bes esege artyǧymen aqtaǧan alǧaşqy joba.
Körermen közaiymy bolǧan «QAITADAN» kinosy oqiǧa jelısımen ǧana emes, vizualdy quatymen de bauraidy. Būl film – körkem şyǧarma ǧana emes, şynaiy sezımge negızdelgen, tereŋ dramalyq mazmūndaǧy tuyndy. Kino astarynda qauıpsızdık, jauapkerşılık pen bırlık jaily tereŋ oi tastaityn ärı jastardy dostyqqa, bauyrmaldyqqa jeteleitın tūstary bar. Är dialog – bügıngı qoǧamǧa oi salady, är körınıs – körermennıŋ jüregıne jaqyn.
Filmde otbasy instituty därıptelıp, äleumettık jauapkerşılık pen adamgerşılık qaǧidattary körınıs tabady. Sebebı özıŋdı ǧana emes, ainalaŋdy, tıptı tūtas qoǧamdy qūtqaruǧa ūmtylu – är adamnyŋ mındetı.
«QAITADAN» - qazaq kinosynyŋ jaŋa beleske köterılgenın körsetetın eŋbekterdıŋ bırı. 2023 jyly pitching jeŋımpazy atanǧan būl joba QR Mädeniet jäne aqparat ministrlıgı jäne Ūlttyq kinony qoldau memlekettık ortalyǧynyŋ qoldauymen tüsırılgen bolatyn.
Kino – bekzat öner. Qoǧamda alar orny erekşe. Bügınde Qazaqstannyŋ kinoindustriiasy Mädeniet jäne aqparat ministrı Aida Balaevanyŋ jıtı basşylyǧymen qarqyndy damyp keledı. Būl ūlttyq kontenttı ılgerıletuge, tūraqty qoldau jüiesın qalyptastyruǧa jäne halyqaralyq yntymaqtastyqty keŋeituge mümkındık berıp otyr.
«Būl – elımızde jas rejissiorler men debiuttık jobalarǧa naqty mümkındık berılıp otyrǧanynyŋ jarqyn körınısı. Rejisser Duman Erkımbek, prodiuser Jalyn Tıleubergen syndy jaŋa tolqynnyŋ bastauy. «QAITADAN» - osynyŋ aiqyn dälelı. Mūndai sapaly jobanyŋ halyqqa keŋınen tanylyp, körermennıŋ köŋılınen şyǧuy jüielı jūmysymyzdyŋ nätijesı» - deidıŪlttyq kinony qoldau memlekettık ortalyǧynyŋ Basqarma töraǧasy Qūrmanbek Jūmaǧali.
